2015年12月3日 星期四

雲來軒 - 與從雲海來的海豚兒共聚



食物:$$$1/2
環境:$$$1/2
服務:$$$1/2

講你都唔信,估唔到我呢個爛鬼Blog, 真係有人睇,而且更有海外讀者,世事真的無奇不有。

來自加國的Blog友海豚兒,對上一次回港,我們幾個已在洲際酒店一起吃過晚飯,只是當時大家坐一頭一尾 (西餐長檯真麻煩),沒什麼機會交流。期後,大家亦一直保持聯絡,他也差不多在我的每篇博文留言,是我仍能Keep住寫嘢的推動力。

苦等一年,海豚兒終於回來,雖只短短逗留十日,已可跟他兩次相聚(有些人三次添啦,葡萄死我),太感恩。

這一餐,各位決定去雲來軒,筆者亦不敢怠慢,馬上致電那邊廂的總廚,寫張菜單,留間房,同埋免去最低消費啦~
 
 
五福臨門

廢話唔講咁多,介紹食物,先上雲來迎賓五福臨門,一隻巨碟奉上,砌得靚靚仔仔。涼拌木耳醒胃,一口腩仔皮脆肉香,鮮淮山爽脆帶麻醬香,金磚豆腐外脆內嫩,唯獨是黑魚籽溏心蛋,未夠溏心。
 
火侯足

晚餐總不缺湯品,是晚安排了老胡同日本姬松茸燉螺頭湯,以功夫茶壺作盛器,火侯充足,湯頭濃香,份量也是十分慷慨。
 
大大粒

收起荐壺,服務生奉來黑松露露筍炒北海道帶子,既有松露醬的香,露筍也是我愛的菜蔬之一,帶子體型更是巨大,而且火候控制得剛剛好。

再來便是得獎菜色,水芙蓉明蝦球,芡是厚了一點,但蛋是蒸得相當細滑,成為各人的主攻目標。爽脆的大蝦,竟淪為配角。
 
好吃

筆者有時都好失魂,竟安排了一味牛肉的菜色,幸好提早發覺,換成這味懷舊鬼馬龍皇卷,說穿了,就是油炸鬼包蝦膠及咸蛋黃,配上酸酸甜甜的醬汁,以黑醋,外香脆內彈牙,好睇又好食,是海豚兒最喜歡的菜色。
 
有氣勢

接下來,是檳城棒棒骨豬仔包,很多人以為是羊肉串,查實就是豬肉,再附以豬仔包。以濃香咖喱汁襯托,帶出檳城風味。
 
賣相一流

店家的另一招牌菜色,是醒胃話梅雞,上桌時熱呼呼的賣相,羸了大半。很可惜,慬止於此,欠缺話梅的縱跡,雞肉亦未夠嫩口。
 
花膠淪為配角

點都要有個菜蔬,杞子花膠濃湯浸菜苗,同樣地,由於濃湯太正,菜苗又嫩,主角的花膠變為配角。

加入了子薑
 
櫻花蝦糯米飯,加內子薑,確是令事情清新了,但個人始終較愛傳統的做法,生炒更加好。


三十年陳皮
 
最後,以店家馳名的三十年老陳皮紅豆沙作甜品,應該無得輸。

咁難得既碰面機會,晚飯之後梗係仲有甜品下場。原來,海豚兒都唔係想像中咁單純,蠢鈍的甜魔媽媽被騙了。哈!
 
 
餐廳資料:
雲來軒
尖沙咀棉登徑17-23號華楓大廈1樓全層
2722 0156

 

8 則留言:

  1. 又要令你葡萄, 又要成為故事末段的主角, 我真係好忙呀!! :p

    回覆刪除
  2. 每次睇你個blog我都咁開心,而且呢篇仲有幸成為主角之一(title有我個朵,我就當係架啦--->奸笑中!)又點可以唔追睇呢!:)

    你忙嘛!下次有機會都可以一齊食lunch架!

    回覆刪除
  3. CEO三個字見都無見過, 大茄一名!

    回覆刪除