2015年12月5日 星期六

Chips in Fish & Chips Bistro - 話當年




食物:$$$1/2
環境:$$$1/2
服務:$$$1/2

個個都話筆者好細食,貓仔胃。但其實在英國嗰時,可能因為天氣凍,我係食好多嘢的,晚上要吃加大的牛/雞炒麵,仲要有份炸魚薯條,或者Kebab做消夜,才可以睡得著覺。

當時筆者在Takeaway做兼職,老闆娘很好人,收工後都會送我一份Fish & Chips,可以慳番唔少。

日前,怒氣沖沖,原本仲想去聯發嘆杯奶茶,順番條氣。發現就在聯發前兩、三個鋪位,有家賣炸魚薯條的店子,突然好懷念英國,在門外站著猶豫了好一陣,決定進去。 

 
舒適

每月睇三十本書,真係濕濕碎啦!我閒閒地都睇六十本,包括餐牌 (午餐晚餐我都睇餐牌的),對我既生涯規劃很有幫助。

翻閱呢度既餐牌,除了炸魚薯條,還有供應一些批,也是當地外賣的熱門食品。不過,我都係揀番Fish & Chips,始終呢度都係主打炸魚。
 
唔會係茄汁囉~

即叫即炸,需時,但熱燙的拿上桌,從來是好。先準備好鹽和醋,估斷大家唔會下茄汁吧,雖則店員真係有問我要唔要。
 
主角

是最普遍的Atlantic Cod,炸得香脆,此魚肉質一定滑,卻沒什麼味道。沒騙你,筆者當年,也做得出這個水準。至於薯條,配了醋,很對胃口,我吃至一條不剩。
 
幾特別

加了錢轉餐,可配小食/甜品,同埋飲品。店主話炸Oreo係佢哋首創,無從考究是真是假,即管試下。同樣是即炸,出來熱得燙咀巴,但外層卻不是很脆口,餅乾更加己變得軟身,不過Oreo的味道,從來就是美味。現還配上一記雪糕,我選的是薄荷朱古力味,跟Oreo,真的很夾。
 
醒胃啦

吃罷油膩的東西,來杯酸咪咪的Lemonde,中和下,最為正路。

唔知有生之年,仲有冇機會返英國睇睇呢?
 
餐廳資料:
Chips in Fish & Chips Bistro
九龍城侯王道2B地下
 5115 8987

3 則留言: