上海美味一品香菜館 - 昔日的美

食物：$$$

環境：$$$1/2

服務：$$$

講堅，我幾中意食上海菜。

一條友的午餐，滬菜癮起，荃灣本身有些裝修設計新穎，坐得舒適的連鎖店，如翡翠、上海婆婆等。然而，是日我卻很想懷緬下舊式的味道。

上海美味一品香，屹立在享和街都好一段日子，但記憶中 (不嬲無咩記性)，筆者只是到訪過一次。

舊式美

甫進店子，裝修已話左俾你知，咩嘢叫做昔日味道。

 

價錢追得上潮流

吃什麼其實已心裡有數，只循例翻開餐牌，瞄一瞄，原來味道係昔日，但價錢卻頗追得上潮流，哈哈哈~

 

擔擔

上海的擔擔麵，家家戶戶做法，不盡相同，如這裡的，會用上榨菜。味道則不外乎是帶點麻醬香，以及少許辣勁。筆者反而覺得，呢度個麻醬稍為太少，辣度亦然。

 

準備好了

小籠包可以選五隻或者十隻，相信如果我獨力吞下十隻，輕則獲利回吐，重則當場爆肚暴斃。

有人說，真正懂吃小籠包的，是不用添加醋的；也有師傅跟我講過，要下些醋引出鮮味。各人口味和喜好不同，又無須太介懷這些。

 

不是爆汁版本

呢度既出品，並不是皮薄爆汁的版本。皮是幾厚和韌，沒幾多湯汁，唯勝在肉質不會散。

 

滿足矣~

一麵一點心一可樂，確實相當滿足。

餐廳資料：

上海美味一品香菜館

荃灣享和街43-59號都城大樓

2492 3710