2015年10月21日 星期三

海外篇:Cafe Bela Vista - 放肆一天~



食物:$$$1/2
環境:$$$$
服務:$$$$

嚐過豐盛的下午茶後,肚子脹脹的,不過,晚上的節目,卻是自助餐,仲要係海鮮為主題,你話屎未?

是晚拜訪的,無錯又是金麗華酒店,這所酒店的歷史,之前已介紹過,我不再長氣。總之Café Bela Vista,就是充滿殖民地色彩。

坦白講,以澳門的自助餐去計,陣容未算強勁。但呢個價錢,想在香港食咁多海鮮,真係發你個春秋大夢。

試圖開開胃

即管走往冷盤區瞄一瞄,拿一點沙律,吃些少青瓜,開開胃口,才努力,畢竟下午茶那餐,仲未落隔。
 
巧多海鮮
始終是海鮮為主題,種類點都唔會太少,既有波士頓龍蝦,亦有小龍蝦,仲有麵包蟹、翡翠螺、大蝦、青口,當然唔少得港人至愛既生蠔。各款海鮮,水準唔弱的,不過,大家眼要明,手要快,因為海鮮 (尤其是生蠔和波龍)是會被光速清空的。
 
不俗
公關朋友特意為各位準備了一碟生蠔,唔使大家同人鬥搶。嚐了兩隻,鮮味足,帶輕怡的海水味,不俗!
 
炒蜆幾惹味
熱食方面,除了非洲雞等葡菜必吃的選擇外,原來仍有海鮮,譬如是龍蝦海鮮忌廉汁,同埋我吃了不少的惹味馬來亞炒蜆。
 
又什麼野生捕獲
有些人,總要有粉麵落肚,呢度仍設有麵粉區,基本的魚蛋腸仔豆卜有齊。而且,Catch of the Day,將每天最新鮮的魚,加進去,配合食客喜歡的煮法,是值得表揚。
 
象徵式也要吃一點
什麼也可以漏,甜品點都唔可以,象徵式也要試少少。藍莓紐約芝士蛋糕,黑森林蛋糕,朱古力撻,仲有木糠布甸等,悉隨尊便。我真係好飽呀……
 
飽到上心口

晚上,要做下運動先掂!


餐廳資料:
Cafe Bela Vista
澳門新口岸友誼大馬路956-1110號澳門金麗華酒店2樓
2856 7888

6 則留言: