Instagram

2015年9月27日 星期日

Sepa BacaroVeneziano - 擋不住的風情



食物:$$$$
環境:$$$$
服務:$$$1/2

試過相約朋友於假日到半山一帶吃午膳,得來的答覆:「放假仲山長水遠爬上去半山食飯,冇病嚒?

的確,有很多人,是不願意長途跋涉去吃一頓飯。或許是平日返工已經太累,又或許是他們對食是沒有太多熱誠和要求...... Whatever~~

筆者卻絕不是這類人,有好嘢食既話,無雷公咁遠我都無問題。

如是日,就爬到上最頂頂的堅道,走進充滿威尼斯風情的Sepa BacaroVeneziano,只為品嚐一餐休閒Brunch

合晒心水啦!

眼見跟前的Cold Cut,筆者已經雙眼發光,需知道筆者面對著呢D軟熟鮮香的東西,是會招架不住,會一片又一片的放入口,直至清碟為止。
 
喜歡
相信唔使再多講,大家都會知道我是不折不扣的食肉獸,吞拿魚醬配牛面肉的頭盤,牛仔肉鬆化,整個事清新,我點會唔喜歡!
 
意式午餐必備
吃意菜午餐,總會有Burrata芝士在陣,才得圓滿,今次也不例外。大大隻又軟滑又流心的芝士,簡單的伴以橄欖油和黑醋,配上清甜多汁的車厘茄,是最合襯,最美味的組合。
 
好多蛋類食品
之後,是一系列的蛋類食品,大家不要又說超標呀!Bottarga Eggs,即太陽蛋伴金黃香脆的多士,這味港人至愛。太陽蛋之上還灑了大量的芹菜粒,增添一點清新感覺。相比之下,Frittatas就顯得失色。
 
Bomba,一隻巨大「餃子」,切開厚厚的皮,內含芝士、火腿、磨菇及水波蛋,破開後當然流心,令人興奮。除了皮太硬之外,味道也可以。
 
誇到呢!
講起食蛋,梗唔會無左Eggs Benedict,坊間多半是用上荷蘭汁,但這裡又搞搞新意思,以薯仔泡沫混合牛仔肉汁取代之,另有一番滋味。面頭的黑松露片,是唔使錢的嗎?
 
簡單而美味
談了很多蛋類食物,查實除了蛋,呢度既強項,還有手功制Pasta。鮮制的意粉,口感彈牙,只簡單的配上松子、青豆,同埋巴馬臣芝士,亦美味。另一款的鮮蝦偏意粉,更討我歡心,這裡的Pasta,真的真的必試!
 
新派
當然,我們是不會錯過Carbonara的。這兒的出品,跟坊間的略有不同。以63度日本蛋鋪面,配上更豐腴的豬面肉,這個演繹方法,就連鄰桌的食客也給吸引到走過來。
 
我一般
煎三文魚不容易做得好吃,至少很難令我欣賞,呢度都算是皮脆,火侯拿毀得算係咁,不過,當我知道之後出場會是牛既時候,便馬上放下。
 
濃郁
肉嫩,味道又濃郁的牛,再飽也可吃兩件。軟滑的薯茸,混入了芥末子醬,不讓牛肉專美。
 
有特色
甜品除了有傳統的提拉米蘇,亦有清新的西西里檸檬撻,兩者都不俗。而最有特色的,則要數到Due Cioccolati,黑白朱古力造的蛋糕,伴以芒果醬,是難以失敗的出品。

值得專程而來吃的Brunch




餐廳資料:
Sepa BacaroVeneziano
半山半山堅道61號
2521 9800

4 則留言:

  1. 個日真係多謝+辛苦你啦! 中秋節快樂~~~

    回覆刪除
  2. 好食嘅話幾遠我都會去,不過要一味靠痴,無計,我好多時都唔識路嘛!^^"

    回覆刪除