Follow me on Instagram

2015年3月2日 星期一

Wins Goodies - 小店高(糕)廚



食物:$$$1/2
環境:$$$1/2
服務:$$$1/2

喜歡吃的朋友,如果花一整天去元朗掃食,大概已是很豐富的節目。

是次,就與幾位朋友前來這區吃過夠,當然有地膽的甜魔媽媽Yan作導遊啦!

一二三四五…… 都唔記得第幾場之後,終於到甜品時光,甜魔媽媽引領我們到訪的,是一間叫Wins Goodies的甜品店,據知是某五星級酒店的糕餅總廚開設的,孤陋寡聞的筆者真係唔曉得。

在座的均是甜品達人,吃什麼就當然唔到我出聲,反正他們所點的,都唔會錯得去邊。

清新好吃

由檸檬撻開始,這裡的出品,醒胃之餘,又不會過份的酸,感覺清新,而且撻皮鬆脆,水準之作。
 
拿破崙是很難跟人分享的
再者,是拿破崙,這款甜點層次多,卻最難分吃,因為一切開便會散晒。呢份拿破崙,酥皮尚可接受,配上香甜的吉士,合格吧!
 
太多餡了
還有兩款迷你牛角酥,分別是吉士以及朱古力口味。牛角酥本身不錯,酥脆可口,只是中芯的饀實在太多,有點失衡,小弟不懂欣賞。
 
原味變得更好
剛才說過,牛角酥查實蠻有水準,所以原味的出品,只簡單沾上果醬,已經好吃。當然,甜魔媽媽的意願,是要配上大大球的雪糕啦!
 
節日出品
是咁的,我們掃食的那天,正是情人節的大日子,因此店子特別推出了節日甜品拼盤。不是平日會供應,但也跟大家分享下。


這款叫做Love Forever的拼盤,有櫻花慕絲配香檳啫喱,兩者是意思不到的合襯。反而心太軟未算太流心,也欠缺了一球雪糕。最特別的,係白朱古力唇膏,充滿玩味。
 
假日也會喝

呷幾口苦過我條命既咖啡後,又要收搭行裝,再走下場了。


餐廳資料:
Wins Goodies
元朗又新街33C號9號地舖

6 則留言: