2015年3月6日 星期五

東來順 (銅鑼灣店) - 停不了的開年飯



食物:$$$1/2
環境:$$$$
服務:$$$1/2

慶有餘、東海、翡翠拉麵,甚至是伊呂波,以及元朗街坊潮州菜館等等,仲有大把排緊隊等住要食,開年飯總是停不了。

是晚的開年飯,已經忘記係今年既第幾餐,只知目的地在東來順銅鑼灣的新店,係咁多。有陳師傅在陣,食物水準應該要比尖沙咀那邊更有保証?

菜色早已有人預備好,無須煩惱吃什麼東東,坐定定等食最輕鬆。瞄兩眼那張為我們度身訂做的菜單,都是店方的馳名菜色,各人都引頸以待。

清爽前菜

人齊便可以起菜,前菜六小碟,有爽脆清新的蒜泥青瓜,又有脆卜卜的脆鱔,海蜇頭爽口,酸中帶甜,四喜烤夫摵得稍大,也嫌不太進味。
 
嫩滑
當然仲有雞有鴨,金陵鹽水鴨肉質沒有死實實,幾入味,又不含半點鴨羶味。花雕醉雞皮爽肉滑,但酒香可以強一點。
 
萬人迷
再來的是茶葉燻蛋,煙燻味濃,又帶溏心,蠻有水準,上面更灑了點瑤柱碎,錦上添花。
 
稍欠鮮味
收起前菜的碟子,再上的是清炒河蝦仁,沒錯是用上細細隻白身的河蝦,但味道始終淡口,即使加入了醋,亦帶不出河蝦的鮮味。另外,店家以幾位黃金蝦圍邊,味道是可以,只嫌蝦殼未致十分脆身。
 
得獎菜色
每次到東來順,總離不開美食之最大賞的得獎菜色 - 鶴湖蟹影,這道以白蘿蔔砌成的鶴,加上蟹粉、鍋巴,以及蟹型啫喱凍的組合,端上桌時,總會謀殺不少菲林。始終覺得蟹粉不夠鮮,雖然配上脆脆的鍋巴,仍算可以接受,而以薑茶弄成的蟹型啫喱凍,其薑味可以再重一些。
 
有點浪費
之後的酸菜魚湯煮雙星斑,以兩尾紅東升來做,突顯矜貴。先呷口湯,似乎欠缺了應有的醒胃感覺,不過魚的肉質是不錯,頓時覺得有點浪費。
 
大漠風味
繼而,是較重口味的內蒙古烤羊牛串,拿上來時香氣陣陣,不怕羊羶味的朋友,一定會喜歡。先吃牛,沒有很韌,但我更愛吃羊,風味更甚。
 
健康下
吃過多款菜色,也該有碟菜去平衡下,此時的一味珍菌上湯菜苗,正合大家心意。
 
餡太咸了
吃甜品前,來些北京雞肉餃子,確保填飽肚子。北方餃子,皮厚是正常,但雞肉餡也實在有點過咸。
 
名物
以精緻清新的荔枝玫瑰糕,同埋東來順的名物驢打滾作結,兩款甜點,大家似乎都好欣賞。
 


步出大廳,看見不少客人在烚下烚下,令我有點動心,相信我下次再來,應該會是吃涮羊肉。


餐廳資料:
東來順
銅鑼灣登龍街1號金朝陽中心2期Midtown26樓
2763 7038

6 則留言: