食物:$$$
環境:$$$$
服務:$$$
「狠」久沒有看電影了。趁有免費戲票,唔好浪費,在週末跟朋友去睇番齣戲,輕鬆番下。睇咩戲? 不重要罷。
入場前,先祭五臟廟,再舒舒服服的欣賞好戲。否則肚子在打鼓,影響到其他觀眾就唔好喇~
時間不太充裕,不如就近近地,吃一頓星馬菜?
環境我是喜歡的 |
一心想吃海南雞飯,所以餐牌也不用瞄,便點了。對方則要碗喇唦,正合我意,又可以偷吃些少,Cool~~
我喜歡吃海南雞,某程度上是因為懶,貪佢啖啖肉,不想吐骨。呢度既出品,同是褪了骨,肉質嫩滑,小弟認為已經合格了。
常言道,食海南雞,三色醬的戲分,絕對不下於雞肉本身。個人而言,最欣賞還是黑漆漆的三色醬,跟雞肉從來是絕配。薑茸和辣醬,在我的角度,只是二、三奶而已。
油飯當然也不是配角,可惜這裡的出品,頗令人失望。
要試試朋友的喇唦,循例先呷口湯,辣勁未算強,慢慢滲出椰香,合格的。幾款配料,蝦是比較遜色,但驚喜位是發現螄蚶,而且味道不錯。
吃星馬菜,我真的只會喝薏米水,唔知點解,可能是習慣吧!
花了廿多分鐘嚐了這餐,又係時候埋單,要入場了。
餐廳資料:
Katong
尖沙咀柯士甸道西1號圓方(Elements)2樓2100A號舖
2196 8086
我都好耐冇睇戲了
回覆刪除你又係...
刪除除咗飯,兩款食物我都啱! 至於睇戲,我諗除咗坐長途機會"lap"下,都好耐無試過比錢入戲院睇lu!
回覆刪除我幾中意海南雞飯架~
刪除就係2/3 Dolci之後個餐? 比甜品大大比下去喇
回覆刪除Yes la...
刪除