Crostini - 登陸荃灣

食物：$$$1/2

環境：$$$1/2

服務：$$$1/2

工作繁忙，很久也沒有時間去Shopping。趁過年幾天假期，在家附近的商場逛逛，買點東西獎勵下自己一年以來的辛勞。

正當把錢差不多花光之際，發現一間新開的甜品店，那不如再買幾件蛋糕，跟家人分甘同味。

走到餅櫃跟前，看見款款蛋糕都好吸引，不知從何入手，隨意揀了三件，睇下自己有冇眼光了。

買了跟家人分享

回到家，本來打算放入雪櫃，晚上再慢慢吃。不過屋企人比我更心急，即場打開盒子，要把幾款蛋糕殲滅。

 

清新

第一件品嚐的，係芒果熱情果慕絲蛋糕，賣相肯定唔輸蝕，吃起來感覺很清新，又不會過酸，慕絲細滑，有水準。

 

咖啡味頗醇厚

其次，是咖啡芝士蛋糕，嚐一口，咖啡味幾濃郁，帶有mascarpone cheese的香滑，味道有少許像提拉米蘇，同樣吃得滿意。

 

層次未算豐富

最後一件，係焦糖拿破崙。層次感沒有預期中的豐富，那酥皮亦未算十分清脆，雖然味道不差，但我覺得還可以要求高小小。

看來，下次經過要再買多幾款試試，當然少不了一杯咖啡啦！

店鋪資料:

Crostini Bakery &  Cafe

荃灣青山公路398號愉景新城L2層2020號舖

2377 1891