2015年2月22日 星期日

慶有餘 - 祝大家年年有餘



食物:$$$1/2
環境:$$$1/2
服務:$$$1/2

年初二,開年飯作間好的中菜館子吃好一點,祈求豐衣足食,已是我家的指定動作,今年亦不例外。

以往大多是到尖沙咀搵食,但該區大部份食肆,我媽均已嚐過,又不想翻兜,本年終於可以打破框框,過海到銅鑼灣吃一餐。

咁即係去邊度食呀? 考慮了好一陣子,不如就攞個意頭,去慶有餘?




好囍慶
餐廳地方不大,但裝修擺設跟店名一樣囍慶,紅噹噹的,又有獅頭,過年來最適合。

不一會便清碟

這邊廂老媽子在研究吃什麼東西,我和老豆便狂攻檯上的腰果,香脆有蜜味,食物未上已將它清碟。

可以煎香口一點

食物陸陸續續送上,打頭炮的是XO醬煎腸粉,個人嫌腸粉煎得不夠香,可以再煎耐一點,幸勝在有優質的XO醬去彌補不足。

鬆脆

接著是白汁蟹肉金網卷,大口咬下,鬆脆非常,沒有油膩感覺,蟹肉成份頗多,跟上白汁,有點點西式的味道,蠻不錯的。

好睇又好食

之後有兩款餃,其一是番石榴帶子餃,造型也真有幾分像石榴。皮沒有黏牙,帶子含量甚多,口感好,賣相食味俱佳。

精美素菜餃

另一款餃,係黑松露上素餃,晶瑩剔透的外皮包裹著足料的素材,面頭放上松露醬,增添貴氣。其實,足料的素餃,從來是好吃,這一味,口感最佳,所謂主角的黑松露,我卻不太在意。

賣相麻麻

鮑魚雞粒酥現今己很流行,這裡就作出少許改變,將之轉成鵝肝鮑魚酥,聽起來是更加矜貴。然而,賣相唔得靚仔,杰撻撻咁,加之鵝肝氣息薄弱,還幸的是曲奇撻皮幾脆口,鮑魚亦腍身入味,整體叫做不過不失啦!

矜貴糯米雞

仲有漏左單既一品糯米雞,好彩追一追。打開荷葉,亮點當然是中間的一隻鮑魚,其實旁邊亦有不少瑤柱絲,再吃進去,除了一般的雞肉及冬菇外,更有花膠,同埋海參,好豐盛,希望吃過此品後,全年豐衣足食。

招牌菜反而未見驚喜

即管又試下「廚房嘢」,就來一客招牌的士多啤梨焗腩排。可是,腩排雖然鬆化,但欠缺肉味,醒胃的士多啤梨醬,也只輕輕依附在腩排的表面,稱上很出色。

又是鮑魚

過年要吃多些鮑魚,因此,再來一客薑蔥鮑魚撈麵。呢個撈麵真係好正,我三扒兩撥就吃過清光。至於鮑魚,我吃的一隻幾腍身,不過老豆老媽子就話佢既幾韌,看來我今年繼續有食神眷顧了。

招牌甜品

即使已很飽,但甜點又總可以吃得下,於是又嚐了香甜層次豐富的千層糕,以及極之鬆化的腰果酥,滿足度爆燈。

好鬆化

初二及初三竟收加二服務費,雖然不是很多錢,但今時今日真係仲有啲咁既嘢架咩?!


餐廳資料:
慶有餘
銅鑼灣開平道1號Cubus 7樓
2323 7280

8 則留言: