2015年1月8日 星期四

英記美點小食 - 懷緬過去常陶醉...



食物:$$$$
環境:$$$
服務:$$$1/2

有啲人,見過你十次八次,仲要介紹埋,都可以唔記得你,真係血都嘔幾啖。反之,有些人,只要你到他餐廳吃過一次東西,已可以將你牢牢記住。這類人,抵佢食呢行飯。

當我與同事走進店子,呢度既阿姐已能認出,同事是首次惠顧,而我則大概是幾時來過。吓? 阿姐,我只係第二次來喎,你使唔使咁勁呀? 好嘢!好嘢!

帶同事來

帶同事來,是因為他喜歡吃水餃,又愛飲奶茶。來到呢頭,一次過可以滿足佢兩個願望。
 
略酸了一點
坐下,像唸急口令一樣,點選了淨水餃、淨雲吞,同埋懷舊撈麵。之後,要進攻檯頭的泡蘿蔔。白蘿蔔依然爽脆,但稍為酸了一點,酸甜度可以平衡得更好。說起泡蘿蔔,同事談到深水埗的劉森記,我則想起灣仔的永華。
 
幾十年前的味道
不消一會,雲吞、水餃亦隨之送上。雲吞細細粒,散尾,可一啖一粒。同事吃過後立即說:「就是幾十年前的味道」。同意,雖然未到四十,但以前細路時在屋村吃的雲吞,著實就是這樣。
 
漲卜卜
至於水餃,隻隻飽滿。皮很滑,餡料如木耳絲、豬肉和蝦等,足料,好吃。我平時不太愛吃水餃,但也被此深深吸引住。
 
豬油香
來到撈麵,放上桌時,陣陣豬油香氣,我一定喜歡。麵條做得爽口,簡單的撈上甜豉油及豬油,已是人間美味。

阿姐問:「要唔要牛腩呀?

商議一會,牛腩就唔要了,來一碟牛筋啦!

好吃


挺大的一碟,牛筋口感最緊要,這裡的腍得來又滿有膠性,而且夠晒入味,有水準。要清碟,無難度。


沒喝飲料,因為我們準備過對面的金寶冰廳(可按此回味)飲奶茶。


餐廳資料:
英記美點小食
新蒲崗康強街32-34號康強洋樓10號地舖
2323 9519

8 則留言: