食物:$$$$
環境:$$$1/2
服務:$$$1/2
天寒地凍,食煲仔飯很好。圍埋一齊打邊邊,更好。
約好了朋友去打邊爐。平時大家也吃經常有機會去不倒翁、北斗翁等高級火鍋專門店,今次索性反樸歸真,去較「地茂」的地方,享受地道風味。
土瓜灣的路邊鍋,地點是僻一點,但在網上是一面倒的好評,絕對不容忽視。
邊食邊等我啦~ |
唉…開完會趕來,又遲大大到,好彩係食火鍋,可以慢慢邊淥邊等,若然是食小菜,甚或是西餐,很可能只能Join大家甜品下場。
感激大家已為我淥好及留起了東西,更有勞甜魔媽媽Yan幫我影晒相,筆者坐低,便可以大口大口的打食物放入肚中,暢快!
大家勁讚的小食,椒鹽豆腐,即使已放涼了,也有外脆內嫩、惹味的感覺,相信熱食是,必定好正。
打邊爐的鍋底好緊要,是晚的花甲蟹鍋,呷一口湯,確是鮮甜無比。大家留了蟹蓋給我,滿是蟹羔,太甘香了。而花甲同樣是鮮味十足。
筆者第一時間品嚐的,唔使問都知是牛肉。有本地手切,又有牛頸脊,兩者都甚具水準,但個人始終較喜歡本地牛,肉味相對濃郁一點。
另外還有牛肉粒,看其雪花紋理都幾靚,有點咬口,食肉獸既我梗唔會放過。
至於羊肉片,燙耐一陣,肉質依然沒有很韌,而且邊位帶點肥,還好,只是羊羶味無乜。
看見桌上有不少丸子,如牛丸、貢丸、蝦丸、鯪魚丸,諸如此類。最欣賞是胡椒豬肉丸,惹味,有特色。反而蝦丸就要挑剔,欠缺鮮美。
鵝腸無疑是邪惡之物,尤其是口感爽脆,裡頭充滿肥羔的,愈嚼愈甘香,實在太邪惡,誓要將之消滅,千祈唔好阻我。
響聆也是打邊爐必備的東西,輕輕的燙幾秒,軟腍而外層仍帶微脆的口感,再沾些醬汁,最為吸引。
仲有午餐肉,厚切。如果眼前有多一個麻辣鍋,就真係無敵。
吃過釀冬菇,再多吃幾條西洋菜,大家風花雪月一個晚上,飽足而回。
餐廳資料:
路邊鍋
土瓜灣美善同道1號美嘉大廈地下7號
2813 2252
鵝腸咁邪惡,一個人攪佢唔典嘅話,我義不容辭架! XD
回覆刪除難搞D囉, 最好你來幫下手啦 XD
刪除真係好回味那胡椒豬肚丸同鵝腸呢
回覆刪除鵝腸實在太精彩...
刪除