2015年1月19日 星期一

龍苑中菜廳 - 尊貴



食物:$$$1/2
環境:$$$1/2
服務:$$$1/2

雖則我咩都食,但連續嚐過幾頓日本料理及西餐後,始終想吃番餐中菜,還要是廣東菜,去平衡下,我份人就是這樣的傳統。
在尖沙咀吃似樣一點的廣東菜,不難找,去五星級酒店搵間中菜廳,質素也有一定保証。老牌酒店Holiday Inn的中菜廳龍苑,是其中之一。
來個六人套餐,尊貴的燕窩鮑魚套餐,內客相當豐富,省卻了點菜的煩腦。

叉燒至合心

於我而言,頓正正經經的廣東菜,始終也離不開燒味。這個套餐之燒味拼盤,是油雞、燒鴨,以及叉燒的組合。油雞嫩滑,燒鴨甘香,但筆者最喜歡的,仍是叉燒,鬆化有蜜味,還帶點燶邊,有水準。
足料
套餐肯定不乏湯水,紅燒海皇燕窩,足料到不得了,忽起一羹,全是燕窩,同埋蝦肉,養顏,女士們必定喜歡。
 
矜貴
接著來的,鮑魚拌刺參,拿起刀叉吃,尊貴豪華。先吃刺參,最重要是口感,這裡的就十分好。南非鮑魚軟腍,入晒味,可口。墊底的翡翠苗,一向是筆者喜愛的菜蔬,必會將之全清掉。
 
龍躉口感可以更好
矜貴菜色不斷送上,再來的,是蛋白花雕蒸龍躉。此味的火侯,控制得好,蛋白夠滑溜,有花雕香,龍躉份量毫不吝嗇,每人可分到兩件,而且味道不錯,如果可以再彈牙一些,就更理想。
 
間一間場
幾味豪華又尊貴的菜色過後,以一味清清地的竹笙扒津白,去中和下,是合適的安排。
 
皮脆
跟著便是風沙雞,單是賣相,已知會是皮脆。的確,吃起來是皮脆而肉嫩,「風沙」自會是惹味,當然如果「風暴」可再強勁些,會更具風味。而我,有幸分到髀位,真感謝大家。
 
香!
單尾的腊味炒飯,送上來時已經香噴噴,飯炒得好,更喜歡腊味的咸香,這個天時吃呢味,認真一流。
 
甜魔媽媽吃了兩碗
套餐有跟兩款甜品,分別是香甜的紅豆沙湯丸,以及熱呼呼,又軟糯,甜度剛好的紅棗拉糕,兩者都合心。
 
香脆
既然跟餐的甜點也行,就多試幾款。煎堆仔,外層香脆,餡料是濃濃的黑芝麻,香甜可口,滿意。
 
鬆化
不過,全晚最出色的甜食,一定係蛋散。入口鬆化,自行加入適量的糖漿,滋味無窮。
水準大躍進,難怪會是超級的旺場。

餐廳資料:
龍苑中菜廳
尖沙咀彌敦道50號金域假日酒店低層1樓
2315 1006

7 則留言:

  1. 义雞鴨呀!! 我上星期都終於食咗啦!

    嘩,蛋散呀,啱我,以形補形! XD

    回覆刪除
    回覆
    1. 恭喜你, 終於都食到...哈哈~

      你又係蛋散?

      刪除
  2. 喜愛的菜蔬竟然出自劉總口翡翠苗魅力不可忽視啊

    回覆刪除
    回覆
    1. 我仲好中意食露筍同埋豆苗, 你到時唔好同我爭呀!

      刪除
  3. 回覆
    1. 記住Download Holiday Inn個app呀! 有折架!

      刪除