2014年1月9日 星期四

Party Time @ 甜魔媽媽主場



回一回帶,繼續講番聖誕派對!

一如以往,我們這班好食之徙,總會以佳節做藉口,到其中一家那裡開派對。今年,定了在Boxing Day,以甜魔媽媽Yan做主場,作為大家的飲食基地。

好多野食

跟以往的爬地一樣,是充斥大量美酒小食。Godiva2/3 DolciAwfully ChocolateCha-no-waLeonidas、奇華、林真香,仲有自家製的甜點,以及紅酒、Cider和梨子梳打等等等等放滿一桌,多到亂晒大龍,已搞不清楚邊個帶來的,好不盡興。
 
招牌?
飲飽食醉,才是晚上六點,即又係晚飯時間。有些朋友另有節目,先行離場,其餘的就繼續食食食。按主人家龍哥建議,到附近的「獨當一麵」晚餐。顧名思義,這裡是以麵食為主打,據聞胡椒豬肚湯麵很馳名,便各自先來一碗。然而,呷口湯後,發覺不出胡椒的辛香,換來卻是頗味精的味道。
 
喜歡內臟

不似炸的

反而沙薑雞仲好,至少是皮爽肉香,有點雞味。麻甩的我,自然就更愛雞腎。而炸雞翼,看不出有炸過的痕跡,大概是拉一拉油就上碟,不過都算得上入味。
 
秘製
不知從何時開始,大家用豬扒去嘲笑身材圓潤的女士,似乎對兩者都有點不敬。我查實是蠻愛吃豬扒的哦!這裡有秘製豬扒,夠味而不會太韌,雖及不上旁邊爽爽麵店的出品,但仍不致失禮。
 
極品
意猶未盡,Oli提議下場。趕走了需要休息的CEO伉儷 (真係應該休息下喇! 為你好Ja!),大家往金玉滿糖方向走去。有理冇理先分碗貓山王豆腐爽,飄來榴槤之香,好濃烈的味道,我仍為是極品,但對於不吃榴槤的朋友來說,大概會當場暴斃。
 
也不俗
另外我的綠豆沙,幾夠熱,而且足料,臭草香氣雖不及榴槤濃郁,但天寒地凍喝一碗,已很不錯。
 
有美酒相伴



滿足之後,第日又要返工。不過,返一日又放兩日,呢個感覺實在太爽!

6 則留言: