2014年1月30日 星期四

年...又過年



轉眼間又一年,在此祝大家身體健康、馬年「飯飯掂」、馬上發大財!

雖然筆者是十分討厭過年,但賀年食物卻頗得我歡心。老火靚湯、賀年糕點、蠔豉等,就像是跳水項目的翻騰一樣,是拍定動作,年年如事。團年、開年飯局排得密密麻麻,吃過肚滿腸肥。但不論在外吃得多豐盛,也會有三幾天留在家或到親戚屋企做年,齊齊整整的過肥年。

清潤養顏

花膠湯是我最喜歡又最常喝的一款湯品,只要花時間發好花膠,在家煲也不是太難的事。今年屋企剛有好靚的花膠,用來煲嚮螺最好不過。這味湯水,清潤養顏,膠質重,多喝百利而無一害。
 
名人坊的出品

馬上煎來吃

個人其實不太喜歡吃年糕,卻就愛死蘿蔔糕了。今年有嚐過名人坊的蘿蔔糕,我喜歡吃煎的,較香口。這星緞名廚的出品,蘿蔔絲是很充足,卻嫌有欠清甜,腊味香亦稍有不足。說起蘿蔔糕,個人仍是喜歡翠亨村的貨色。
 
桂花糕我喜歡龍璽的
除了蘿蔔糕,筆者亦愛吃桂花糕,龍璽的出品就很不錯。其椰汁桂花糕,既保持幽香的桂花味,椰汁的味道都頗突出,兩者平衡得宜,整體感覺清新。
 
食個底,留番個面 XD
今年仲有同事妹妹自家製作的杯子蛋糕,有水仙、大吉、桃花、鯉魚、暉春及爆竹,賣相可愛,靚到唔捨得食。把蛋糕照片上載至面書,有朋友更笑說可以吃個底,留番個面,哇哈哈哈!原來香濃的朱古力蛋糕入面,藏著粒粒的朱古力珠,口感豐富,面頭的桃花,香甜好吃,果真有水準!可惜,將來未必再有機會品嚐了...


大家新年又會怎樣過呢?

10 則留言:

  1. 恭喜發財、馬到功成、萬事如意
    我都唔太鐘意過年,因為要派利事:p

    回覆刪除
  2. 新1年......事事順利,萬事如意.........身體健康
    你塊花膠好靚喎........好厚身~~~

    回覆刪除
  3. 我鍾意桂花糕,呢邊唐人超巿有加咗龍眼肉嘅桂花糕好好味!
    至於cupcake嘛,可以"搵"個人嚟整呀 XD

    回覆刪除
  4. 花膠嚮螺湯好正呀,好飲呀

    回覆刪除
  5. 我反而鍾意年糕多過蘿蔔糕, 不過最吸引都係cupcakes, 靚c人啦~~~

    回覆刪除