食物:$$$$
環境:$$$
服務:$$$
若不是朋友介紹,斷估我也不會中上去美食廣場開餐。
西九龍中心,是筆者小時的蒲點,曾幾何時幾風光,有冰場,有機舖,甚至乎室內過山車,當時係十分之巴閉。
朋友推介! |
再次踏足這Food Court,我相信十個檔口有十個都已經唔同晒,現時仍存在的,基本上一間都未食過,大概是這裡人流太少、生意難做? 抑或係我太耐沒有重回舊地? 定還是連呢度既租金都貴到飛起?Whatever啦! 我一心去找那間朋友推介的うどん屋。
叫得烏冬屋,當然是吃烏冬為主,雖然仍有飯供應。考慮了兩秒鐘,便向店主柯打一客牛肉烏冬。烏冬賣相幾對辦,最吸引正是中心的一隻溫泉蛋,真想不到Food Court會遇到如此誘人的好東西。
溫泉蛋當然可愛,自己動手加入了適量的薑蓉和蔥花,起動了!烏冬口感尚算煙韌,牛肉質素合格,最重要的是,果真有日本小店的風味。
另外點了炸雞,十蚊有三件,經濟實惠。即叫即炸的出品,熱呼呼的,一口咬下,皮脆肉嫩,肉汁豐盈,味道十分之好,比起連鎖雞快餐店,高出十萬倍有多,有衝動再去買多三兩份。
多謝朋友的好介紹,單是這炸雞,已值得我重來。
餐廳資料:
うどん屋
深水埗欽州街37號西九龍中心8樓8F26舖
我又要食炸雞
回覆刪除預埋我喎!
刪除我記得90年代嘅電視劇成日喺度拍,背景一定係個過山車,幾年前返香港貪得意去呢個商場,見到個過山車都變埋古董!
回覆刪除已經風光不再~
刪除完全冇諗過美食廣場有正嘢食,仲係西九廣場tim
回覆刪除我都估佢唔到
刪除等我經過開試吓先~~~~~
回覆刪除值得一試架!
刪除