2013年10月2日 星期三

Whisk - 優質Sunday Brunch~



食物:$$$$
環境:$$$$
服務:$$$$

The Mira,對於筆者來說絕對不會陌生。本人曾經每星期會在翠亨村午餐,亦到過Whisk試菜,也在這裡渡過美好的時光。近日,得到ET和公關朋友的邀請,再次來到Whisk試試其Sunday Brunch。說起來很久沒見過ET了,趁這次機會跟她聚聚舊也是好事。

終於成事

試食日子改了又改,可謂一波三折,幸好最後亦能落實。這兒的Sunday Brunch分兩個時段,分別是11-1以及1:30-4:30,價錢以後者稍為貴一點,但時間會比較充足,大家可以按自己的時間/行程去安排。不過都要記得預早訂位,因為真係好full架!
 
任飲
只能說Sunday Brunch的食物,重量又重質。先講飲的,有各款果汁和Mocktails任飲,不喜歡的也有紅、白酒,甚至乎是香檳也是讓你喝過夠,收費亦十分克己,愛飲酒的朋友一定會相當滿意。
 
冷盤選擇亦多
其次就是沙律菜、三文魚、火腿等冷盤的選擇,同樣不少。雖然筆者不是健康主題者,但面對著眾多的沙律菜,也覺得清爽舒服。至於火腿和Cold Cut,從來是本人的至愛,大致軟熟咸香,合心水。
 
海鮮很受歡迎

砌得靚嗎?

海鮮係呢度既強項之一,又蜆又螺又青口,仲有大蝦龍蝦和生蠔,聽見都心郁郁。就是後兩者,應該已經可以滿足到大部份人。個人亦唔執輸,大蝦確是爽脆,蝦腦多羔,龍蝦肉爽甜,法國和澳洲生蠔同是出色,海水味濃。
 
特別
不得不提這裡的五款魚子醬,顏色和大小不一,色彩繽紛。各款的口感和味道濃淡都有所不同,各有特色。若要問最喜歡哪一款,我真係唔識答你,就由大家自己來試試再定奪好了。
 
好吃脆皮豬
肉類方面,有烤乳豬、牛舌、Wagyu Spare Ribs等等,乳豬皮脆肉嫩,只是略為肥了丁點,牛舌尚算彈牙,和牛亦燒得火侯到家,都好吃。如果熱度可以再充足一點的話,會更為完美。
 
唔錯

這更吸引

另外,每人可有一款雞蛋為主題的食物。因為是試菜,就兩款就吃過了。魚子醬炒滑蛋,嫩滑有汁的雞蛋配上鮮美的魚子醬,自當好吃。但個人更喜歡的,是松露泡沫和菠菜茸的蒸蛋,蛋仍是流心的,加上啖啖滲出松露香氣,雖然賣相未必及得上前者,但味道絕對令人難以抗拒。
 
香口
Main三揀一,也是每人可選一款。都係果句,因為係試食關係,我們全都試勻了。焗直通粉,口感煙韌,加上滿載芝士和薯仔的香,肯定好吃,只是也會比較漏些少。
 
彈牙

邪惡

誰都知道北海道帶子質素佳,口感爽彈又鮮甜,配以荷蘭汁,我唔客氣啦!至於最吸引我的,始終就是鴨肝,雖及不上鵝肝的甘香,但仍然做到入口溶化,沒有筋,配以微酸的車厘子醬汁,再邪惡我也不理。
 
雙眼發光

唔客氣啦!

最後,要走進甜品房了。沒錯!是甜品房!整間房都是放滿甜品和芝士,甜魔們能夠抗拒嗎? Movenpick雪糕、什果撻、奶茶味奶凍、葡撻、馬卡龍、朱古力慕思等等,實在太令人雀躍。
 
大滿足
而且各款甜品大多有水準,如什果撻清新,撻皮又鬆脆;奶凍做得細滑,奶茶味濃郁,很特別;慕思香濃幼滑;各款馬卡龍香甜帶微脆。仲有酒心朱古力和白朱古力,好滿足。只是葡撻的稍為遜色了一點。
 
吃不下了
看見ET整碟的芝士也相當吸引,只是胃納實在有限,無法再把美食塞進去,唯有留個藉口俾自己下次再來。
 
美好終結

以香濃的咖啡作為終結。謝謝ET和兩位靚女公關的邀請,讓我過了美好的星期天。期待下次再聚!會是大閘蟹宴,還是甜品下午茶呢?


餐廳資料:
Whisk
尖沙咀彌敦道118號The Mira Hong Kong 5樓
2315 5999

10 則留言: