好拍檔復出，MC齊慶祝

甜魔媽媽終於都乖乖咁坐月坐足一個月(雖然中途有逃走紀錄)，10月正式強勢回歸。就在她復出的首天，大家約好上佢屋企探望兩位小主角，晚上再一起出去吃飯慶祝。

演技流於表面

小公主只顧Zzz...

一到埗，大家急不及待見下兩個小主人。好動豬Matthew立即衝出來跟各位大打招呼，呢個豬仔真係冇時停，有嘢食就咩都得，好易氹，而且表情仲好鬼浮誇添！至於妹妹Chloe，則比較文靜，多數時間都Zzz……

 

每次聚會都是這樣的甜

始終都係為食人，同BB玩完之後，又開餐了！有主人家為各位準備既Karl’z 蛋糕，有抹茶紅豆卷、士多啤梨卷、千層蛋糕、黃金趣脆、特濃朱古力、Opera等等，各款都美味，個人最喜歡反而是清新的士多啤梨卷。

 

我買左麵包

沒有預早想好，真係唔知買咩上去好，醒起食友說荃灣廣場呢間糧友パン工房唔錯，便在那裡買了幾隻麵包。巨大的乾果包，可以俾Chloe作枕頭用；補腦合桃包都好聚手，除了合桃，中間仲有提子乾，JJ無緣品嚐了；牛角酥幾鬆脆，如果叮番熱仍就一定更好食。

去了附件的千層麵屋

 雖然有豐富的下午茶，但晚上都要一齊出去食，慶祝甜魔媽媽Yan復出嘛！不過，帶住兩個BB始終唔方便去太遠，就在她家附近的餐廳意大利千層麵屋吃好了。

 

細滑

香口

點餐這粗重功夫，還是留給大家來做，我乖乖的等食就是。黑松露薯蓉，香氣陣陣，薯蓉質感細滑，蠻不錯。薯皮是新鮮炸起，熱呼呼的，夠香口，配以大量醒胃的沙律醬，都合格。

 

可以接受

有芝味

雞肉凱撒沙律，雖然個人不是健康人，但面對著新鮮清爽的沙律菜，未嚐不可，雞肉嫩口，但香草的氣息則不太出。始終，我都係喜歡香口的東西，芝士條就岩晒我，香脆的外層，裡頭絲絲相扣，慾斷難斷的芝士，重口味，卻好吃。

 

水牛城雞翼?

水牛城雞翼的賣相似乎不太正宗，雖然入口仍是有辣味，都算惹味，但就像一般的香辣雞，而不是我所認知的水牛城雞翼囉。

 

招牌菜

既然店家以千層麵命名，無理由唔食佢個千層麵咁茂李架。都算有層次，頂頭帶燶加上芝士香，看來不俗。吃起來又幾開胃，加上有一定口感，質素的確唔太差，沒有辜負名聲。

 

最正有火箭菜

香噴噴

兩款Pizza分別是巴馬火腿薄餅和Margherita，前者火腿軟熟，餅底帶脆，但中間的位置總不太理想；後者當然會較為香口，微酸的蕃茄醬正好中和濃烈的芝士的膩感覺，簡單而美味。

 

好似茶記出品

餐飲我和Thomas都揀了熱咖啡，大家都以為是即磨咖啡，出來時才發現原來是像茶餐廳貨色，不過都照飲可也。

 

Blogger Event的常客

轉瞬間，好拍檔Yan便後出了，大家又可以一齊出來飲飲食食，多麼開心。