協奏坊西餐廳 - 平價半自助

食物：$$$

環境：$$$

服務：$$$1/2

趁端午節假期，一家人先去食個午餐，之後才各自精彩。在公開飲食網站search吓自助餐，最終選來風評不錯，但大家又未探訪過的九龍珀麗酒店，希望唔會太差吧！

選擇不太多

實不相瞞，筆者真不知道原來中午是做半自助餐，走出去Buffet Counter巡個圈，真係打了個「突」，怎麼只有沙律、湯、三文魚刺身和甜品外，就什麼都沒有供應呢? 甚至連熱葷都冇。後來細問下才了解，原來這是semi buffet，價錢是$138 (部份主菜菜色需另加錢)，難怪難怪。

 

沙律

最多人排隊

既來之則安之，出去拿東西吃吧。沙律、刺身各取了一點，還好各款沙律總算新鮮，南瓜清甜。刺身只有三文魚，都幾多人排隊攞，我只淺嚐了一點，感覺普通，好像沒什麼味道。

 

湯好過包

湯反而是兩款，有中也有西，我挑了西式的，周打魚湯，總算不會稀稀的，也吃到有不少材料在內，沒投訴了。不過，麵包就真係不吃沒損失，凍冰冰的，又硬，我只咬了幾啖。

 

火侯尚可

嫩滑

主菜方面，我們點了牛、魚和龍蝦天使麵，大家分吃。先切些牛柳來試試，肉味當然不很重，要了五成熟，火侯控制還算合格，起碼唔係太韌，中規中矩。至於煎魚，看色水更似樣，入口又的確的嫩滑，比牛柳要好。

 

要加錢的一項

仲有要加$58的龍蝦天使麵，採用波士頓龍蝦，鉗頗大，是唯一賣點。質感實際是好鬼韌，明顯的過了火位，天使麵口感卻太過腍身，完全不及爽口，要加錢吃這味，我認為很不值。

 

主攻甜品

完成主菜，繼續跳到甜品行列，由於選擇真不多，大部份都可以試到，特濃朱古力蛋糕、芒果慕思都未見驚喜，藍莓芝士蛋糕相對較好，至少是幾滑，另一款巧克力綿花糖杯，最得我心。

 

雪糕肯定不能放過

怎樣也要吃點雪糕，兩款口味分別是朱古力及雲尼拿，叫做填一填甜胃吧！

 

少不了咖啡

不管是假日或是平日，最後總要有杯咖啡作結，才會覺得滿足。雖然食物稱不上出色，但論及價錢，又確實無法苛求太多。最多下次一家人再去更好的地方，食番餐更加好的。

餐廳資料:

協奏坊西餐廳

大角咀大角咀道86號九龍珀麗酒店2樓

3919 8228