食物：$$$
環境：$$$
服務：$$$
收到食友JJ在facebook的留言，告之深水埗開了新的點心專門店，他吃過覺得水準不俗，並且見到明星，問我有否興趣一同去食午飯。睇明星就不必了，食飯就當然可以。馬上拿出行事曆，定好日子，成事。
要開會遲到，食友已經坐定，並揀了一些心水點心，我再補充少許，便可以遞給阿姐，然後大家談談近況，慢慢的等食。此店之點心款式並不多，只有點心紙內的廿九款，加兩味招牌點心，合共三十一，似乎想做到貴精不貴多。
脆皮海鮮腸粉，聽到隔離檯的師奶在硏究到底是什麼東東，其實就是腸粉包著米網的海鮮卷，愈來愈多點心專門店已有此品供應，如大角咀的點好味等。皮稱不上薄，好在仍算滑，裡頭的脆皮成功做到鬆脆，蝦的質素則只是麻麻，有欠爽口，整體質素屬一般。
御點皇杏汁餐包是食友的極力推介，又一試。餐包本身軟熟帶甜，不過咬開裡頭空心位置蠻多的，杏汁並沒有預期之中澎湃，還好杏汁味道是香是濃，而且溫度充足，也算過關。
另選了鮮蝦炸粉果，外皮脆得來感覺卻有點粉，同埋餡料的蝦毫不爽口，非常普通。每人一隻之後，大家也你推我讓，結果剩下一隻無人問津，大概可知水準如何。
一籠兩隻的灌湯小籠包，皮薄又不易穿，收口位又唔會硬，湯汁雖不是十分豐盈，但夾起來可打鞦韆的樣子，加上內裡的鮮肉餡料味道對辦，以市面上的點心專門店水準去計，收貨有餘。
點心紙沒有的招牌食品，鮑魚雞粒酥是其中之一。份量比預期要細隻少許，曲奇皮尚算鬆脆，牛油香頗重，原隻的鮑魚仔本身口感軟滑，不過調味實在太兇，我和食友均覺得過咸。
懷舊馬拉糕熱呼呼的送上，吃起來鬆軟，質感綿密，但對於我來說，是可以再甜一點。
不知道鮑魚燒賣是每籠一隻，因此要追加。阿姐話製作需時八分鐘，結果十多分鐘才送到，而且一口咬下便發現不妥，唔熟的！時間緊迫，冇可能再等佢炮製另外一籠，把鮑魚吃掉便算了。
這餐未完，又約定了下期試菜的日期，真開心。
餐廳資料：
御點皇
深水埗桂林街46號地下C鋪
23611997
沒有留言:
張貼留言