Follow me on Instagram

2011年11月2日 星期三

18 grams - 不單是喝咖啡的地方


食物:$$$1/2
環境:$$$1/2
服務:$$$$

入場前,先找地方醫肚。還以為18 Grams會勁旺場,但心想,即管來博一博,最多食唔成就在隔離食拉麵。好好彩,不單唔使等位,甚至可以選擇位置,這地方晚上是沒人的嗎?




雖然這是個悠閒既地方,應該但我們趕著睇戲,時間無多,無法慢慢的去嘆,必須馬上睇餐牌揀食物。



我要了Aussie Breakfast。內容是挺豐富,也頗為正宗。多士是鬆脆,焗豆不會凍冰冰,磨菇爽口,白肉腸的豬肉味濃郁,蕃茄多汁又不會酸,都不錯。當中的炒蛋和煙肉較為一般,如前者不很滑,煙肉太乾了。



朋友點了Boscaiola,我也毫不客氣地嚐了幾口。意粉的質地幾好,頗有咬口,忌廉汁香甜幼滑不膩,煙肉、洋蒽及磨菇香口好味,整體效果不錯。但我個人會更喜歡Carbonara,因為多點蛋香會更好吃。



喝咖啡的店子,我想甜品應該亦不會差,試了芒果慕思蛋糕。蛋糕質感未見幼滑,芒果味不很重,勝在味道唔會太假。是稱不上出色,但總算合格的出品,沒有太多投訴。



來到18 Grams,也沒理由不喝咖啡吧,來杯Cappuccino!有著心型的拉花,視覺率先得到享受。呷一口,很順喉,啖啖甘香,合我心水。



至於凍飲的芒果梳打,芒果味十分薄弱,但就很夠氣,感覺並不清新,下次不要點這款飲品了。



店員都是醒目仔女,服務不錯,值得嘉許。

餐廳資料:
18 Grams
旺角登打士街56號家樂坊地庫B04號舖
2770 1339

沒有留言:

張貼留言