食物：$$$1/2
環境：$$$1/2
服務：$$$1/2
甜魔會長和Cheap兄生日既大日子，沒理由不出來慶祝一番。今次既生日會都算有些麻煩，一方面主角希望在此舉行，可是店方又不許預先訂座，又要收取天價的切餅費，大家都有點猶豫，最怕是大伙兒去到沒有位置，咁就真係大鑊。
還以為星期日中午沒有太多人，但原來也不是，近乎full house，幸有食友願意早點來霸位，活動才得以順行舉行。
當日一點鐘左右，大家陸續進場，氣氛也愈來愈熱鬧。點食物之前，先要飲品，我的那杯特飲係Double Berry Cooler，沒有酒精成份的，就像是草莓加藍莓混埋Lemonade，總算夠冰涼。其他食友的飲品，有紅酒有啤酒有特飲，不逐一介紹了。
齊人，食物也隨即上檯，很多很多的東西放滿桌上，猶如小型的自助餐檯。率先要介紹的是Jumbo Combo，要了雙份，有雞翼、洋蔥圈、薯皮、春卷同埋沙律。每樣講講，雞翼係咸中帶辣，有人說太辣，但我個人覺得是太咸就真；洋蔥圈熱又脆，充斥洋蔥的香氣，沾蛋黃醬或者藍芝士醬均好味；春卷同樣是香脆，亦不會太油。
要健康一點，另外又來份沙律，很大的一份，菜蔬以及椒絲均屬新鮮爽口，合桃香脆，面頭的那堆藍芝士濃香可口，千萬不要走漏紅莓，總之整體都是清新又美味。
再來的一碟Twisted Mac, Cheese & Chicken，頂頂的雞扒也嫩滑不韌，蒜茸包香脆。但相比起來，濃香的芝士半浸著通粉，是最為味美的，不止大人喜歡，連小公主係吃了不少。
來到美式餐廳，總不能缺少超巨型的Ribs。這裡的出品，做得香口惹味，咬落鬆化，不會更轟轟切唔開，也夠入味，有點水準。呀！還要提提伴碟的薯條，碟碟都是香脆。
Burger都叫了幾款，侍者幫我們每個分開四份，方便大家分吃。我只食了一款，是Local Legendary Burger "Oriental Pearl"，其實就是在普通的漢堡內加入了肉鬆同埋叉燒醬。Burger的牛肉幾鬆化，有肉汁，但肉汁可以再濃一些。而加入了肉鬆，又確能提升層次。
真的太多東西，基本上吃至此時已經飽了，但甜品還未上場，真係弊。第一味甜品，Fresh Apple Cobbler，看到是濕濕的，毫不香脆，肉桂味亦太重，對我而言，只在面頭的雪糕較吸引。
還有幾款Bites，分別係Crème Brulee、Chocolate Mousse同埋Peanut Butter，雖然只是細細杯，但鬼咁濃膩，尤其是Peanut Butter那個口味，根本就是成杯花生醬，食到口都歪埋。
New York Cheese Cake賣相似樣，不過食落又不是那回事。密度雖然很高，最大問題是缺乏芝士香，我只淺嚐了兩口。
最後，Hot Fudge Brownie也最為正路。至少雪糕是夠大球，Brownie濕潤又不失微脆口感，味道濃郁，是我全日食得最多既一款甜品。
再次祝兩位壽星生日快樂，心想事成。
餐廳資料:
Hard Rock Cafe
中環德己笠街55號 LKF Tower 地下
2111 3777
沒有留言:
張貼留言