2010年12月25日 星期六

熱狗之家 - 有誠意的小店



食物:$$$1/2
環境:$$$
服務:$$$$

我喜歡吃熱狗,但恕我孤陋寡聞,總覺得好的熱狗店不多,想到的就只有何文田的德國熱狗,還有這裡。



熱狗之家店子小小,以做外賣生意為主,若您想堂食都可以,門口也有一兩張小檯,不過感覺似坐街似的。當然,像我等貪食之人,坐街就坐街,沒什麼大不了。所以,這次我選擇了堂食。



想說多少少熱狗次家的資料。這裡是由兩夫婦的經營,大概是二人都信奉基督教既關係,呢度星期日是不營業的。Okay,今天,我正對著餐牌苦惱緊選什麼款式時,主理人走出來友善地向我介紹各款的食物和材料,感覺很好。在他的推介下,揀選了據報是最近很流行的蒜香煙肉芝士熱狗餐。



蒜香煙肉芝士熱狗其實就是腸仔上面加了煙肉,再配以蒜味醬汁和半溶的芝士。新鮮整起的熱狗,熱呼呼,包身微脆,餡料既腸仔皮脆,煙肉軟身,蒜香味道很重,也喜歡咬著扯開芝士絲的感覺。



另一款要介紹的是地道熱狗(是上次我買回家吃的),什麼是道地熱狗?店主話係自制醬汁+法蘭克福腸。什麼是自制醬汁?原來是芥辣和青瓜粒。腸仔冇咩好講,醬汁的味道調教得不錯,不太辣,又幾醒胃。



要了杯凍的榛子咖啡,榛子和咖啡味道均香濃,幾好飲。



來這裡,你會感受到主理人的誠意。

餐廳資料:
熱狗之家
荃灣西樓角路170-184號華都中心商場地下48號舖
3580 8172

2 則留言:

  1. 我放工都有黎呢度買熱狗呀! 好羨慕佢兩公婆, 聽住歌慢慢咁做自己鍾意的工作 Kady

    回覆刪除
  2. 真係幾好架!不過佢地真係好有心去做呢間店~

    回覆刪除