2010年12月3日 星期五

龍華燒腊茶餐廳 - 新加進的店子


食物:$$$
環境:$$$
服務:$$$

2011港澳版米芝蓮指南新加進了71間食肆,這裡是其中之一。

某日,同事跟我講,發覺我都幾鍾意食唔健康既東西喎!其實,所言甚是,尤其是膽固醇超標的食物,一向討我歡心。


在銅鑼灣的登龍街,有間龍華燒腊茶餐廳,供應平民版的金錢雞,我偶爾也會來幫襯;同埋,天時冷,也會做煲仔飯的。


這裡的金錢雞,當然不可與得龍或鳳城等的出品比較,肯定冇咁既層次感,質感也較硬。不過蜜燒做法,香濃的雞肝又有肥肉的配合,也不失為美味。而且金錢雞也幾飽肚的,差點吃不完。幾蚊一件的出品,大抵也應該收貨了!


煲仔飯賣$68,並不便宜,但天氣開始轉冷,也總想吃番下暖笠笠的煲仔飯,感覺很正的。唔係用炭爐去煲,因此不會太香口,加上沒有半點飯焦,有點令人失望;田雞,肉質很結實,不太進味,是預期中的貨色;滑雞則確是嫩滑,總比田雞好。然而,整個煲仔飯的水準,未達我要求。


加五蚊雞就可配冷熱飲品,我當然也番杯凍檸茶。

餐廳資料:
龍華燒腊茶餐廳
銅鑼灣登龍街41-45號
25766549

沒有留言:

張貼留言