食物：$$$$
環境：$$$$
服務：$$$$
今趟兩仔爺的檳城之旅，也吃了不少好東西，問老豆最鍾意邊一餐，佢既答案係：潮粥俱樂部。
呢間餐廳，只係開夜晚 (週末會做埋午餐)，有好多當地人視這裡為宵夜寶地，甚至外國遊客也會慕名而來。
畢竟，這店的創辦人，正是檳城極負盛名的法式星級餐廳 Au Jardin ( 全檳城只有兩家餐廳摘星)的老闆。
甫坐低，店員奉來的小吃「魚仔餅」，勾起無限童年回憶，真估唔到會係檳城既呢間店遇上。率先送來的鹵鴨掌，來得軟腍入味，又唔會溶溶爛爛，超級好吃，我在香港未食過咁有質素的出品。這裡不是做大菜，你不會在此找到貴價的凍蟹或者潮州翅，反之就是吃些家常的菜式，如菜圃蛋。真正做到外酥內嫩，混入菜圃的爽脆口感，已忘了多久沒嚐過這味餸，與潮州粥簡直是靈魂伴侶。醬油黑鯧魚是老豆至愛的菜式，鯧魚炸得酥脆不硬，醬油更是精華所在，這味是餐廳三大鎮店之寶的其中之一，果然名不虛傳，老豆獨吞大半條。回港後亦對此味念念不忘，起碼讚左十幾次。在檳城幾天也較少吃菜蔬，見餐牌有，也點上一味薑片咸蛋炒芥蘭。一句講晒，味道家常，吃得舒服。老豆叫白飯伴鯧魚，我則要潮州粥來配菜圃蛋，各有所好。
在當地喝得太多拉茶/咖啡，既然這兒有菊花茶，來杯清一清熱氣也好。老爸講左好多次，如果老媽子一齊嚟 (當時老母歐遊中)，可以試到多幾款仲好。
得！識做！會安排！
餐廳資料:
潮粥俱樂部
17, Lintang Burma, Penang, Malaysia
沒有留言:
張貼留言