晶百合餐廳 - 宇宙最強焗豬?

食物：$$$1/2
環境：$$$1/2
服務：$$$$

繼大寶冰室爆紅後，IG和「脆」最近又熱推另一間餐廳，稱佢既焗豬扒飯為全宇宙最強。

某天同老豆去左九龍城想當年，正好來吃番個焗豬。

茶餐廳格局，但佢又幾得意，有些上海點心及麵食供應。焗豬與小籠包都是我的至愛，估唔到可以一箭雙雕。

老豆從來都係「順德人」，吃什麼就由我話事，就要焗豬、小籠包，與及蔥油餅吧~

焗豬賣相是吸引的，芝士份量唔少，做到拉絲效果。然而，豬扒唔算大塊同厚身，蛋炒飯底亦偏濕，汁醬的酸甜度並不是我所喜愛的。整體我只會說是中規中矩，遠遠談不上是什麼宇宙最強。

上海蔥油餅，外皮煙煙韌韌，可是蔥香不夠。

小籠包既外型又幾靚仔，皮唔算太厚，收口位做得好，湯汁亦豐盈，但是豬肉餡偏實，影響了口感。

係茶記食午餐，梗係要飲番杯茶走。唔差既，若然茶底可以厚身一些，會更好。

午餐後，兩仔爺就遊九龍城話當年。

餐廳資料:
晶百合餐廳
九龍城福佬村道5-9號地下A-B號舖
21292999 / 21291999