海外篇：雅佳茶餐廳 - 三點三時間

食物：$$$1/2
環境：$$$$
服務：$$$$

人家過大海耍樂，可能會入賭場玩番兩手。然而我對此無什興趣，每次去澳門，我也只是吃吃喝喝。

三點三，也總會是下午茶時間。

是次朋友帶我來這家雅佳茶餐廳，吃的卻不是西多士，而係芝士蛋糕和雞蛋布甸，感覺好Cafe的食物。

雞蛋布甸揀左抹茶口味，餐牌相片是像洋食屋震騰騰好靚仔的樣子，現實卻是從雪櫃拿出一盒已預先弄好的出品，確實係有點失望。還幸質感是滑，有點點抹茶味。

芝士蛋糕是這裡的名物，有唔少口味可選，商議過後，要來百利芝士蛋糕。味道是正常，可是質地係非常之硬，明顯是雪了很久，至少要等廿幾分鐘，由它慢慢解凍，才可以吃得下。

相比之下，飲品是正常得多，朋友的黑磚奶茶，即涼粉奶茶，據聞有茶味又細滑，配涼粉原來都夾得來。

我就要杯龍鳳檸樂，即鹹柑桔、檸檬加可樂，呢個配搭，我一向喜歡。而且，佢採用枝裝可樂，又有得加分！

或者，來吃番澳門茶記的食物，如嚤囉雞飯等，會較穩陣。

餐廳資料:
雅佳茶餐廳
 澳門新橋(三盞燈/白鴿巢)渡船街54號B
+853 2833 5971