海外篇：太陽冰室 - 供應多國菜的地方

食物：$$$1/2
環境：$$$$
服務：$$$$

是次澳門之行的晚餐，秉乘吃地道嘢既堅持，揀了在太陽冰室搞掂 ~

呢間太陽冰室，絕對稱得上是多國菜，你既可係度食到澳門傳統既緬甸麵、嚤囉雞飯，亦可在餐牌找到港式的羊腩煲、「Show me your love」，以至潮式的蠔仔肉碎泡飯、日式咖喱，甚至泰國船麵都可以吃得到。

我當然唔會嚟食羊腩煲，或者日本咖喱啦！

先來碗緬甸麵，很香，亦有頗重的椰汁味，湯底我是喜歡的。用的是油麵，跟湯底好夾，配料的雞翼、雞蛋及豆卜等都恰如其分，最重要是加入了油炸鬼，索盡湯汁精華，個人認為是靈魂所在。

太陽冰室的菠蘿包有菠蘿！皆因我們點選的，是夏威夷菠蘿包，將傳統港式美食，加入火腿及焦糖菠蘿，吃起來無咁膩，岩晒在澳門一日吃了N餐的我們。而佢既菠蘿包，不比香港的出品遜色。

即使再飽，也一定要試試這裡的名物，斑斕脆脆多。多士之上加上牛油，頂頭再喞上靚靚的斑斕醬，打卡一流。

斑斕醬的味道可以的，唔會太甜或太假，可惜多士唔夠脆，否則呢個組合真係幾吸引。

飲品試了杯青瓜斑斕Mojito，沒有酒精的。不像想像，是清爽的感覺，細嚼點點薄荷葉，醒神！

吃飽飽，也是時候搭車回港了~

餐廳資料:
太陽冰室
澳門羅馬街110號東南亞商業中心AK座
+853 6809 3996