海外篇：文哥咖啡美食 - 在氹仔吃地道嘢

食物：$$$1/2
環境：$$$1/2
服務：$$$$

每次過大海，尤其是在氹仔那邊吃飯，九成九都是酒店或者商場內的高級餐廳，吃Fine Dining或者米芝蓮菜色。

今次行程，以吃地道美食為主，即使是在氹仔，亦係去官也街附近的茶記。

這家文哥咖啡美食，就在我們的行程之列。

其實不算太餓，所以只點了咖喱魚包，與及炒通粉，跟朋友分享。

咖喱魚可揀三文治或餐包，店員說餐包比較好食，就信佢。會細心的幫忙切開，餐包唔包乾柴柴，餡料尚算多，咖喱香而不辣，個人覺得這比豬扒包，更能代表濠江，只是在香港已找不到咖喱魚包/治了。

另外的豬扒炒通粉，豬扒無咩特別，但份量係俾足你。炒坑紋通粉，幾香口，香港有三幾間茶記都可嚐到，只是我仍未在港吃過，難以作比較。

一場來到，當然不能錯過瓷煲咖啡及奶茶，已放了煉奶，即是我們所稱的啡走/茶走，但屬微甜程度。

其實瓹窿瓹罅，在大街小巷尋找地道美食，已是一種樂趣。

如果找到好吃的，更加就係Bonus啦～

餐廳資料:
交哥咖啡美食
氹仔舊城區老虎巷31號地舖
+853 28827078