海外篇： THE CITY BAKERY Canal City Hakata - 醒神早餐

食物：$$$1/2
環境：$$$$
服務：$$$$

日本真係唔多地方食早餐，若不在酒店吃，最穩陣應該是去Cafe，食麵包飲咖啡。

今次發現，博多運河城近Grand Hyatt嗰邊開左新食街，上網睇番原來係25年7月才開，即管在那邊睇睇有無心水選擇。

結果，我哋就係The City Bakery坐下。無他的，就是被其香噴噴的咖啡與麵包迷倒。

眾多款式的麵包之中，挑了香腸包，與及南瓜包，再來杯咖啡就是。

酥香的外層包裹著香腸，味道是預期之中。近日發現香港Ikea萬聖節限定的木乃伊香腸包與其有幾分相似，又幾搞笑既。

另一款的南瓜包，圓碌碌的，中芯位除了南瓜茸，還有芝士及肉碎，論層次，這個比剛才的香腸包更為豐富。

Latte拉花都算係咁，入口順喉舒服，普遍嚟講日本既咖啡係岩我口味的。

若你不是咖啡迷，都可以飲伯爵茶，或者朱古力。

地方好唔錯，坐得舒適，清清靜靜食個早餐，心情也寧舍開朗。

餐廳資料:
THE CITY BAKERY Canal City Hakata
福岡市博多區住吉1丁目2   Grand Bldg（福岡君悅酒店）. B1F