譚魚頭 - 經典火鍋重現

如果有番一定食齡既朋友，相信對譚魚頭呢個名字唔會太陌生，十多年前香港吃麻辣火鍋的地位，佢可謂數一數二。

十數年前一別，如今得知佢回歸香江，好想試試佢是否依然吸引。

四行人，費事煩惱挑呢樣選嗰樣配料，點個四人火鍋套餐乾手淨腳。

還是要回店家昔日招牌的麻辣番茄鴛鴦鍋底，前者夠麻夠辣，番茄湯微酸好開胃，可以直接先喝兩碗。

湯底滾起需時，邊吃跟餐的涼菜邊等，涼拌木耳酸辣醒胃，作為打邊邊前的熱身，倒是不錯的安排。

叫得做譚魚頭火鍋，魚頭當然是重要的一環。用上花鰱魚頭，大大個夠晒新鮮，沒半點腥味，，跟麻辣湯最為匹配。愛吃魚的朋友一口氣清光半邊，大叫滿足。

香港人打邊爐點可以無牛肉，份安格斯砌得像山一般，看紋理都知唔會差得去邊，入口軟嫩，喜歡吃辣或不辣，悉隨尊便。

此套餐原先是配兩份牛肉 (本來是吊籠)，但因席上有朋友不吃牛，店家亦好有彈性咁轉左份豚肉俾我哋。大大片，讓不吃牛的朋友也可滿足。

接著說生蠔，是美國桶蠔，自然巨型又漲卜卜。每人兩隻，吃了飽左一大截。

魚片及魚腩，皆是火鍋的常見配料，肉質都唔差。

再吃一大輪窩筍、蘿蔔、竹笙及娃娃菜等索味的東西，菜蔬建議放番茄既一邊，但蘿蔔就最好吸麻辣味型，這是我個人的偏好。

跟餐贈送的是冰粉，個糖漿好像有點杏仁豆腐既味道咁。

$888的四人餐，又生蠔又靚牛肉又招牌魚頭，最緊要係麻辣湯夠刺激，此個價錢實在太划算了吧~

餐廳資料:
譚魚頭
荃灣大河道100號海之戀商場3樓3017-3018號舖
24888911