燒肉801 - 大滿足的午餐

食物：$$$$
環境：$$$$
服務：$$$$

中午吃日本燒肉，對一些人來講是匪夷所思，不過於我而言，又唔係咩一回事。

荃灣廣場呢間燒肉801，由日本人開設，名字係我口袋中好耐，是日終於有機會來食午餐。只能說，午餐實在太便宜！

雞腿拼五花肉，只是五十八個大洋 (另加一)，仲要跟埋米飯、麵豉湯及汽水。雞腿肉和五花肉都做得好，前者會配上蔥油，剛燒起時夾埋大埋清爽的蔥油同吃，超正，送飯也一流。五花肉層次分明，燒至脆口，有點點像吃薯片的感覺，但更加邪惡。估唔到兩款非牛肉的出品都有如斯水準。

即便是牛板楗，也只係六十八蚊，去邊度搵? 薄身的牛板楗，汁燒，輕輕兩邊燒一下即可，有人覺得稍稍咸了一點，但我可接受到。

大咪肉，大口飯，好快可以消滅一碗白飯。再飲埋罐可樂，你都咪話唔爽！

店家仲新出左拉麵，俾大家多一個選擇。特盛既豚骨拉麵，用上我喜歡的幼身拉麵，保持爽口。配料亦非常慷慨，竟有三塊叉燒，同埋原隻溏心蛋，質素仲要係高。

咁仲未算，憑單據可以優惠價$15係隔離 (同集團)既Ufufu Cafe食一球八女抹茶軟雪糕，我梗係唔執輸啦！

餐廳資料:
燒肉801
荃灣大壩街4-30號荃灣廣場3樓321-323號舖
26081338