中央飯店 - 吃風味

食物：$$$
環境：$$$1/2
服務：$$$1/2

間唔使都會想去舊式酒樓，嘆番一盅兩件，感受下那股風味。

深水埗的中央飯店，是其中一家相信年紀比我還大的酒樓，屈指一算，對上一次光顧，大大話話近廿年既事。

這類舊式酒樓，自會重現點心車，店員跆著有什麼點心，喜歡的大聲認投就是。呢種氛圍，家陣已寥寥無幾。

不論去新派或是舊式酒家飲茶，總會要上蝦餃或燒賣，這兒的蝦餃勝在大大粒，餡料好足，可是即使是這類舊店，餡料都是沒有豬肉或筍尖。

當然也要吃些懷舊點心，燒腩卷是久違了的好東西，燒腩加芋頭結合軟熟的包身，是錯不了的組合，只是出品未夠熱，要扣點分數。

鴨腳扎是另一買少見少的點心，除左個腐皮好韌之外，味道尚算正常。

剛才說燒腩卷唔夠熱，但炸物才是真正出事。各式炸物如春卷、煎堆及咸水角可以自由配搭，然而全部都是凍冰冰，那又怎可能好吃呢?

接下來是甜品環節，芝麻糕勝在有夠濃香，我覺得合格有餘。

但係西米焗布甸又有同一弊病，唔熱既出品真係大打折扣，不論是咸點或甜食。

難度嚐這類老店的點心，就只是吃風味...

餐廳資料:
中央飯店
深水埗大埔道140號東廬大廈地舖
27776888