鳥山名 - 久違了的愉景之選

食物：$$$1/2
環境：$$$$
服務：$$$$

又在愉景新城搵食，鳥山名是一所筆者已久違了的日本餐廳，忽然想去一試。

做緊午市大割引，輕量的午餐全部唔使一舊水，同埋無加一。

所謂輕量，份量查實都唔細，如有兩件手卷加一碗烏冬，或者丼飯跟味噌湯，仲要有跟嘢飲，於我而言是絕對夠食。

先講手卷，有兩件，選了三文魚及辛味八爪魚，紫菜脆口，味道正常，八爪魚那款會比較吸引，可能因為帶點辣，來得較惹味。

唔喜歡吃手卷的話，可以搵壽司，有四件壽司加兩伴卷物，質素比連鎖既迥轉壽司要好。

手卷/ 壽司會跟上烏冬，可揀蟹柳或者牛肉。喜歡烏冬帶點煙韌口感，相信是手打，唔係現成貨。

三文魚蟹肉丼，材料覆蓋米飯，三文魚較薄身，蟹肉反而幾多，玉子又幾有驚喜，幾十蚊貨仔，交足功課。

相比之下，火炙丼似乎更吸引，三文魚經火炙後的確更香口 (雖然賣相一般般)，但最吸引還是右口魚邊，脂香滿溢。

食滿一百蚊，會送一款小食，下次消費時享用。揀左油甘魚刺身，有三片，質素唔錯，沒有因贈品而馬虎了事。

跟餐既飲品，除左檸茶檸水外，竟然仲可以揀羅漢果茶、桂圓茶、百香果蜜及柚子蜜等而唔使加錢，喜出望外。

如果正常份量午餐，我可能食唔晒添～

餐廳資料:
鳥山名
荃灣青山公路 - 荃灣段398號愉景新城1樓1025-1026號舖
23438666