羅勒印度餐廳 - 地道

食物：$$$1/2
環境：$$$$
服務：$$$1/2

在北角的開倉店買完頸巾，係時候醫肚，搵到了這間印度餐廳。

這所店，係呢區屹立十多年了，仲曾經連續數年獲得車軚人推介。

環境氣氛感覺好地道 (其實我未去過印度)，店員清一色印度人，嘢食相信會好正宗。

吃午餐就好了，套餐仲包埋飲品及湯。

呷一羹湯，就係嗰種味道了!

分別要了天多利雞，以及咖喱魚。兩者都是以鐵板上，跟埋太陽蛋，自行破穿蛋黃，讓蛋汁撈埋瘦長的印度米同吃，爽身好食。

魚肉嫩滑，比起早前在屯門的那家咖喱屋更出色。天多利雞的味道，跟我在英國讀書時嚐到的一樣，當年印度同學仔話做得好正宗的。

拉茶要加廿蚊，奶茶不用加錢，正在降級消費既我就要杯奶茶好了，還幸仍滿有印度香料的氣息，我喜歡！

咁既裝修，有人Serve唔係自己QR Code落單，竟然唔使收加一，我覺得自己賺左。

餐廳資料:
羅勒印度餐廳
北角七姊妹道7號昌輝閣地舖
25683806