屯門咖喱屋 - 席前拉茶是焦點

食物：$$$1/2
環境：$$$1/2
服務：$$$1/2

談起席前奶茶，有號稱蘭桂芳照妖鏡既中環翠華嗰杯，真係得啖笑。

之後，有人提及屯門咖喱屋的印度拉茶，雖與港式奶茶是兩碼子的事，但以看表演角度而言，這裡是精彩得多。

還未坐定，店員已奉來例湯，有些雞肉及粟米在內，同時也喝得出點點的味精所在。然而，呢個價錢，我是不能太挑剔的。

咁，到底係咩價錢呢?

如果唔加錢轉拉茶的話，最貴的那款午餐也是六十蚊有找，已包剛才的雞湯、咖喱、白飯、印度薄餅、薯條、蔬菜 (什豆)，以及飲品，你話係咪好街坊價先~

老豆和我分別叫左咖喱魚和牛脷，試過兩款既咖喱汁基本是相同，沒半點辣勁，也缺乏香料的氣息，層次比較單薄，但還是幾好下飯的。老豆話佢個魚合格，至少比茶記或快餐的魚塊/魚柳好。

我份牛脷，有夠腍身，亦有幾件粉嫩的薯仔，同樣無投訴。

白飯估佢唔到咁大份，再有幾件Naan Bread，沾咖喱汁岩晒，早知要少飯就是。印式的所謂蔬菜，就是小量的什豆，再加埋凍冰冰的薯條，呢啲配菜可有可無。

吃到差不多，印籍店員便出來表演拉茶，在狹窄的店子反覆將印度茶傾倒，拉得長拉得高，頓時吸引全場目光。

未幾，一杯充滿泡沫，帶香料氣息的Masala Tea便完成，是喝得舒服的正宗出品。

餐廳資料:
屯門咖喱屋
屯門彩華花園25號地舖
24041444