漢發麵家 - 豬潤麵與西多

食物：$$$$
環境：$$$1/2
服務：$$$$

今個週日，老豆痛風仍未好，要繼續留家發呆。

安排好佢既午餐之後，老媽子話想食豬潤麵，我知佢係指漢發。

深水埗漢發，星期日唔開喎！我說。

老媽子流露出一副失望既面容。

不過佢油麻地開左分店啦！我補充。

嗱嗱聲出發啦！繁忙時候需要等位，但都係十來分鐘，可以接受。當然，這類地方，搭枱係必然既事。

老媽子二話不說，先來杯滾水蛋。是的，正是她細路時經常喝的，今時今日已買少見少，難得遇見，自然要回味一下。

其實就是熱水加隻蛋，喜歡的話自行加點糖，風味大於一切。

我要碗豬潤麵，老媽子來碗豬潤米，再加份西多士，邪惡到一個點，豁出去吧~

即使開設了分店，湯頭依舊出色，豬潤仍保持到大塊及厚身，咬落爽脆，個別一件半件有少少筋，但總的說是都是高水平。

西多士可揀奶或糖漿，我哋要後者。跟坊間茶逆的西多不一樣，這是比較鬆軟，中間夾有花生醬，再自行狂加糖漿，邊有可能唔好食。

佢杯茶都合格的~

餐廳資料:
漢發麵家
旺角彌敦道565-567號銀座廣場地下1號舖
23601181