Bakery by the Grand - 過年的甜蜜時光

食物：$$$$
環境：$$$$
服務：$$$$

係附近食完飯，就嚟呢度買啲好嘢，等痛風發作7唔到街既老豆，新年都可以有啖好食。

Bakery by the Grand，無錯就是與樓上自助山屬同一集團，與星店息息相關，質素自然不用置疑。

食物款式唔少，牛角包美輪美奐，煲呔形狀的牛角酥奪目，又有東歐數百年歷史既煙囪卷，甚至雪糕都有得供應，選擇困難症好易發作。

老豆老媽子一向愛吃蛋撻，那就來幾件原味的。賣相跟Hashtag B類近，回家以蒸焗爐翻熱，外皮十分酥脆，蛋香都幾充足，香甜好吃，兩老均表示滿意。但論價錢，也真是六星級。

另外買了一條店家名物，在東歐歷史悠久的煙囪卷。即叫即製，需時約二十分鐘。我等！

煙囪卷有五款口味，分別為原味 (肉桂)、榛子醬、花生、蜜糖，以及純素，花生與榛子都不適合痛風病人，還是蜂蜜最為穩妥。

賣相像煙囪的成品，外微脆而內煙韌，吃起來是有層次感的，蜂蜜味我覺得都不錯，一時失策，屋企沒有雪糕，否則配埋雪糕一齊食，會更精彩。

有機會試埋佢既牛角酥，應該都無得點輸。

餐廳資料:
Bakery by the Grand
灣仔皇后大道東183號合和商場3樓332-333號舖
2525 0018