海外篇：廚薈 - 豐盛一天由此起

食物：$$$$
環境：$$$$
服務：$$$$

近年旅遊，為爭取更多機會嚐試地道美食，已甚少留係酒店食早餐。然而，今次澳門之行情況有點不一樣，得到澳門旅遊局安排，我可以在酒店先吃飽豐富早點，才開始緊湊既行程。

吃早餐的地方，在酒店六樓的安達仕廚薈。

是自助形式的早餐，兜個圈睇睇，食物種類繁多，迎合不同口味人士之需要。西式冷盤如 Cold Cut、芝士、沙律等一應俱全，早上的求芝慾特別強，不論是軟芝士或硬芝士，配餅乾都嚐了些，甚至軟滑的Burrata伴番茄，我都沒有錯過。

西式熱食，基本的腸仔、炒蛋、煙肉、薯餅、烤番茄、炸南瓜及茄子等，每樣拿少少，砌得靚靚，可以自製一個全日早餐。

蝦餃、燒賣、鮮竹卷、糯米雞、鳳爪排骨等點心，來得有水準，唔差得過酒樓出品。

為迎合北方人士口味，亦有生煎包等北點供應，而且底部煎得香脆，爆汁的高水準，忍唔住食左兩隻先收手。

萬料不到，早餐桌上的熱食，竟然可找到煸四季豆、炆冬菇等既小菜，還以為自己在吃Lunch/ Dinner Buffet。

想有碗粉麵或粥水到肚的朋友，呢度都唔會令你失望。除左有粥和炒麵之外，亦有即淥既粉麵，師傅甚至會有即席拉麵，都幾吸引。

包點類選擇多元化，港式既菠蘿包、西式既牛角酥、法式西多士以及英式鬆餅等，麵包控肯定會好滿意。

吃得飽飽，飲埋杯Latte，元氣滿滿開始一天的行程。

餐廳資料:
安達仕廚薈
澳門安達仕酒店 北翼大樓6樓
+853 8883 2221