Pierside - 聖誕半自助

食物：$$$1/2
環境：$$$$
服務：$$$$

逛完聖誕南尾箱市集，不走太遠，就在Pierside吃晚餐便是。

餐廳做緊半自助餐，$338/位 (另加一)，一日前訂枱更有九折優惠，今時今日係酒店食嘢，好似愈嚟愈划算咁。

飢腸轆轆，立即出去睇睇有咩食。七點幾鐘，半自助餐已開始左一段時間，但沙律Cold Cut等放得靚靚仔仔，唔會俾人摷到亂晒，個人覺得三文魚和鴨胸都做得不俗，尤其後者，肉嫩加埋菠蘿粒，好吃。

西瓜芝士沙律都是我喜歡的，一兜兜的盛好，作為頭盤熱身最合宜。

竟然仲發現有薄餅，而且係會轉款，素芝士薄餅，與及夏威夷風情，邊位香脆，味道不錯，而我也不是意大利人，沒有執著有沒有菠蘿存在。

盛了一小碗湯，是日只有西湯，係番茄忌廉，好醒胃。

主食方面，即使是豬扒或者羊架都唔使額外加錢，幾均真。我選來的寶雲酥焗羊架，外層微脆，肉嫩而保留了些少脂肪，帶出應有羶香，用手拿起枝骨大啖齒，痛快！

又試了點朋友的豬扒，唔算超級厚身，吃起來嫩口有肉汁，近肥脂的位置自然更吸引。我個人會較欣賞自己的那份羊架，而朋友就投豬扒一票，咸魚青菜各有所愛，畢竟兩款主食都是做得好的。

甜品時間，女士們爭相要吃雪耳桃膠糖水，滋補養顏。

我就偏向西式糕點進發，朱古力蛋糕、椰子蛋糕及南瓜撻等等，還有聖誕必吃的麵包布丁，雖然款式稱唔上超豐富，都足以填飽我既甜胃了。

咖啡或茶，悉隨尊便。

餐廳資料:
Pierside
尖沙咀廣東道33號皇家太平洋酒店海景翼大堂高座
27382398
63964956 (WhatsApp)