海外篇：土生公館 - 全新土生葡菜體驗

食物：$$$$
環境：$$$$
服務：$$$$

澳門近期忽然流行講土生菜，那麼，今趟的濠江遊，就將土生公館納入行程之列。

位處於龍環葡韻的土生公館，是一所百年別墅，曾為高級官員官邸，因此裝潢優雅，店家還特意保留了昔日的照片、家具及擺設等等，以增添風味。能夠在大宅內享用正宗的土生葡菜，別有一番滋味。

選了下午茶時間過來，因為事前看過其土生下午茶的內容頗吸引，我覺得更加襯大宅既氛圍。

柯打好食物，店員先拿來Welcome Drink，打開味蕾之後，可以開始精彩的三層架下午茶了。

說是三層架下午茶，其實不盡正確，皆因三層架所放上的只是咸食，另外還有一個兩層架擺放甜點的。Anyway，不要執著於字眼，睇下嘢食質素如何！

頂層放上的，是肉丸與及芝士多士，咬落微脆，內裡是豬肉，帶點薄荷氣息的肉丸，水準符合預期。多士烘得鬆脆，加埋芝士既組合，好難會唔好食。

中間嗰層，係黑毛豬和雞肉的咖喱角，勝在剛剛炸起，夠熱夠脆口。旁邊的汁醬，聞起來似酸酸的，但吃時又帶點點甜，幾有趣。

黃薑角仔加入了白蘿蔔作餡料，吃起來酥香惹味。最後食埋件免治豬肉包，咸點超額完成。

甜品以一個兩層架奉上，雞蛋椰汁糕沒太甜，味道與質感都好合心。冬瓜果醬清甜開胃，塗在餅乾上吃，倒是不錯。

椰子蛋糕香甜，Port酒啫喱我是首次品嚐，唔太甜幾得意。

另外還有一碟，放入雀仔造型器皿的糕點，據店員介紹是椰蓉糯米飯，但質感唔係煙韌，味道亦唔係好甜，個人覺得普通，或者甜度高番啲我會較喜歡。

飲埋杯咖啡，呢個全新既土生葡菜體驗，圓滿終結。

餐廳資料:
土生公館
氹仔舊城區海邊馬路龍環葡韻1號別墅