海岸扒房 - 一年一度啤酒節

食物：$$$$
環境：$$$$
服務：$$$1/2

十月，啤酒節的日子，今年黃金海岸酒店一如以往，舉辦了一系列的相關活動，逢週四至週日都要同大家熱鬧過。

有得玩有得食，筆者肯定唔會執輸，週末就同埋幾位朋友仔，勇闖屯門，開懷吃喝。

有幾個攤位遊戲，如掟彩虹和掟波波等，最受歡迎既係即影即有拍照，一家大細都岩玩。自問飲得快既朋友，可以參與勁飲大賽，不過量力而為就好，咪一陣飲到獲利回吐。

就算唔玩勁飲大賽，啤酒節都係要飲番杯啤酒參與下，$168便有四款啤酒於兩小時內無限暢飲，都咪話唔爽，我還是比較鍾情Hoegaarden。

當然都有唔少佐酒的美食，頭盤既風乾肉及芝士拼盤，有唔同款式既Cold Cut、莎樂美腸及芝士、杏甫和提子等，邊食邊飲最為恰當。

啤酒節無左德國香腸拼盤同埋咸豬手又點能成事? 唔同款式既香腸真係好好食，德國結麵包是一年吃一次的經典，皮香肉嫩的德國咸豬手，啖啖肉岩晒我。怕太膩? 來點酸菜平衡番就是。

雞翼大隻又香口，重點在於醬汁，起勢咁點落去，滋味！

作為過氣甜魔既我，幾歹要吃甜品。蘋果酥做得鬆脆，微酸又帶甜的味道討好，但肉桂味蠻重的。車厘子黑森林蛋糕對我來說是幾熟悉的味道，因為我去年曾經來玩過工作坊，學整的正是這款蛋糕。

德國芝士餅，芝味十足，我覺得不輸黑森林的。

一年一度既啤酒節，應該要參與下喇，總好過個個星期北上吧！

餐廳資料:
海岸扒房
屯門青山公路 - 青山灣段1號香港黃金海岸酒店大堂樓層
24528636