食物：$$$$
環境：$$$$
服務：$$$$
經常會到訪獅房菜，皆因真心佩服江師傅的創意和廚藝，每每都做出一些詩情畫意既出品，如不同版本的愛玲宴，與及唐詩宴等，無不令人讚嘆。
今趟江師傅又玩新意思，以宮庭為主題既獅房發版，據知江師傅專程去故宮吸取靈感的。
安頓好，便可以上菜。一嚟就以燕窩和豆花作開場，特別之處在於加入了荔枝成份，令滑溜養顏的燕窩豆花多一份清新氣息，是十分好的開端。接著來的小點，貫徹江師傅的風格，加插了乾冰的煙霧效果，仙氣迫人。像金字塔型狀，包括著滿滿餡料的素餃，好吃又健康。桂花腩叉鬆化又清香，蟲草花及爽口無渣的油燜筍墊在鴨舌之下，好在沒有被遺忘。當然，軟腍入味的鴨舌從來是我所愛。不管是什麼宴也好，就離不開湯品，今次有很家常味道的白菜、豆腐湯，師傅再放入大大隻花膠添貴氣，喝得舒服。煎至皮香肉嫩的比目魚，配上豆酥，來點像西式的擺盤，簡單討喜。數道菜色之後，以一杯帶有佛手柑氣息的三清茶來清清味蕾，再繼續下半場。隨之而來的，有幾分像現今的甜酸蝦球，用料靚，口感爽脆彈牙，汁醬平衡得好，夾埋菠蘿和酸薑同吃，結合精緻既擺盤，我喜歡這古代版本的甜酸蝦。扣鮑魚同埋煎金蠔，兩者都是我大愛的東西，以一枝髮簪串起，估唔到咁優雅。鮑魚帶點點麻香，配合金蠔的甘香，很讚。冬瓜圃藏著鴨肉、羊肚菌、杞子及百合等，清爽矜貴，唯白玉可以再腍身一些。看餐牌寫著蔥油麵，還以為是上海式的那種，但原來用上像烏冬，加埋甘味的苦瓜，以及豬肚，又幾夾喎！要貫徹主題，甜品的糕點也做成玉璽般，靚到唔捨得食。這其實是開心果醬朱古力，好有趣！喜歡佢除左用心設計食物，還特意選購了宮廷式的餐具來作作盛器，以貫徹其風格，可見團隊的一絲不苟。
估唔到甜品都咁特別，唔係一般嘅糕點糖水咁👍🏻
回覆刪除所以好佩服呢度既廚師團隊
刪除