第一郡 - 正宗越南味道

食物：$$$$
環境：$$$1/2
服務：$$$$

扭開電視，正在播放緊飲食節目，原來越南餐廳第一郡已經由深水埗搬左去油麻地。

地方比以前大了，不過就係樓上舖，主要做口碑，觀乎當日都有唔少熟客幫襯。

蟹羔番茄湯檬一向是這裡的招牌菜，且看搬了舖後水準能否保持？

呷一口湯，濃而帶點酸，依然不錯。配料蠻多，豬紅、扎肉、豬肉、蟹羔餅、原個番茄、生菜及豆卜等等，好滿足。各式配料大致都幾好，豬紅唔怕一夾就散，扎肉有口感，蟹羔餅當然是主角，豆卜這索味的東西最實際，放上原隻番茄也是很正宗的做法，我覺得係香港算係頭三甲的了。

餐牌中有法包和軟包的選擇，老豆怕法包太硬淨，所以就來個越式軟包，走芫茜。軟包包裹著滿滿的餡料，細心看看，腩肉、扎肉、肉鬆、青瓜及酸蘿蔔等，仲有最重要的肝醬，講真味道總唔會驚為天人，都是意料之中的水準，但大口咬下去都滿足既。

見電視節目介紹佢既斑蘭綠豆糕，看似幾吸引，來一件同老豆些牙。口感煙韌，斑蘭香之餘，還帶點點綠豆的清香，果然是招牌甜點，食得過。

既然食越南嘢，梗係飲番杯滴漏咖啡，幾濃郁的咖啡味，是蠻正宗的越南風情。

如果店舖可以加多點越南特色的裝飾，我諗會仲有feel~

餐廳資料:

第一郡
油麻地彌敦道483-485A號2樓
24166868
61933111 (WhatsApp)