Komeda's Coffee - 最喜歡的咖啡連鎖店

食物：$$$$
環境：$$$$
服務：$$$$

我最喜歡的日本連鎖咖啡店Komeda's Coffee， 終於來到荃灣。

猶記得第一次在日本食佢既蛋治，驚為天人，點解連鎖店都可以咁高水準。買咖啡送多士，都令人印象深刻。

數年前Komeda進軍香港，落戶黃埔，我已急不及待去試過。三文治是好吃，但就沒有日本吃時那種驚艷。

店子新開在荃灣，公司三文治的水準與黃埔店差不多，仍喜歡佢混入少量日本芥末，成件事清新好多。

Komeda漢堡，中間嗰件漢堡扒幾厚身，吃起來有肉汁。同樣地是混入了Wasabi，成功嬴得我既歡心。

拿破崙意粉煙煙韌韌，茄汁醒胃，不過如果可以有多幾粒火腿，會更滿足。同埋個賣相，其實可以諗諗佢。

仲有香港店限定既燒賣，幾搞笑，當然水準一定唔會太高，難以得到關注組大員的青睞，但叫主食加$10/份，其實都食得過的，至少我願意俾錢加。

再吃芝士蛋糕，夠香，餅底唔會太死實，合格的，

叫主食，加廿蚊可有杯細飲品，廿六個大洋就有大的，建議唔好慳呢六蚊，因為小的也真的太迷你了。

餐廳資料:
Komeda's Coffee
荃灣大河道88號灣景廣場購物中心AEON店地舖