Hakata Concepts - 黃金海岸的博多風情

食物：$$$1/2
環境：$$$1/2
服務：$$$$

是日要入黃金海岸酒店拎糉，心想不如早點去商場逛逛，吹下海風，順便吃點東西。

記得商場二樓的那家Hakata Concepts，主打壽司與及鐵板燒，平平地都食得過，所以就不作他選。

上次來嚐過鐵板燒，今云就一於試下壽司。

見師傅備貨、開魚、改魚、煲飯、握壽司等一腳踢，十分忙碌，正如師傅話齋，家陣經營環境困難，個個都拼命地控制人力成本。

要左博壽司拼盤及芝士鰻魚卷，先講價錢，兩款埋單二百七十，總不會要求是星級質素。

壽司拼盤有帆立貝、三文魚、甜蝦及左口魚，四款共八件，水準對得住個價錢，其中以火炙過既左口魚邊最為出色。

另外的芝士鰻魚卷，鰻魚同樣是火炙過，加上濃郁的芝士，味道總不會太差。

用餐其間，見師傅忙碌地準備唔少外賣，原來是餐廳與KK Day合作的優惠，難怪咁多人柯打，肯定好過吃日式連鎖店的外賣吧！

吃罷在外邊走走，吹下海風，真有點身處外地的輕鬆感覺。

餐廳資料:
Hakata Concepts
屯門青山公路 - 掃管笏段1號黃金海岸商場1樓25A-C號舖
59401632