甘味處鐮倉 - 透心涼

食物：$$$1/2
環境：$$$$
服務：$$$$

短期內未有再去日本的打算，不過日本嘢依然是無時無刻都想食的，如果癮起的話，就留係香港食吧！

近期係IG見到有人食過呢間甘味處鐮倉的刨冰，相片好吸引，就趁是夜經開銅鑼灣，拉埋朋友去食番個。

刨冰款式都唔少，但你說我食古不化也好，始終覺得宇治金時是最穩陣。

抹茶味道醇和而不太甜，質感軟綿清爽，白玉丸子與及紅豆跟抹茶從來是最佳拍檔，天時暑熱吃一個，透心涼！

單吃一個刨冰是滿足不了我們的，朋友是蕨餅迷，就要兩款出品睇下水準如何？

原味與抹茶蕨餅，兩者都做到鬆軟帶煙韌，有點點像啫喱狀的感覺。平日既我，多半會選原味，但今次個抹茶也出色，我會投後者一票。

淺川園抹茶飲料，清香而不會過份的甜，底下還有滑不溜口的蕨餅，令成件事更突出。嚐了一口朋友的草莓朱古力奶，同樣是有蕨餅墊底，我覺得更加正。

食甜嘢食到抱住個肚走，好耐無試過咁瘋癲~

餐廳資料:
甘味處鐮倉
銅鑼灣軒尼詩道500號希慎廣場URBANHOOD B1樓B101A號舖
98890044