食物：$$$$
環境：$$$$
服務：$$$$
九龍城南角道有間Cafe，簡單直接取名南角，其滿滿的歷史感覺引起筆者關注，誓要找天去拜會一下。
店內亦帶著濃厚的復古風，不是扮懷舊那款，而係設計保留了呢幢戰前唐樓的特色，因而令我更加喜歡。
店舖仍掛著的怡順榮招牌，上網查過些資料，原來正是前身五金舖的名字，昔日佢供應機場所需維修的重金屬，但隨住機場遷離九龍城，佢亦完成歷史使命，幸得這Cafe店主仍保留番呢個金漆招牌。
唔再長氣，講番嘢食，腐乳北海道帶子濶麵幾特別咁，便點上了。成品端上來時，是幾香腐乳味，吃起來亦不過咸，濶麵煙韌掛汁，三粒北海道帶子說不上很巨大，不過煎至表層香口，裡頭細滑，火侯控制到家。呢味濶麵，不是為創新而創新，我倒是滿意。油封鴨腿擺放在色彩繽紛的番茄、茄子及薯蓉之上，賣相蠻好。鴨腿肉嫩，不死咸，加上挺多的菜蔬去作平衡，收貨有餘。甜品餐牌都有好幾款選擇，問店員有咩推介，得來的答案是橙酒班戟，好系會係 Cafe遇到呢味甜品，有興趣一嚐。當然沒有在席前烹煮，欠缺火光熊熊的儀式感，但班戟皮軟熟，索盡香甜橙酒的精華，頗有驚喜。
點主食，加十蚊即可有杯奶啡，Flat White都合我心水。望望手錶，時侯唔早，帶朋友過去買清真牛肉餅~
餐廳資料:
南角
班㦸賣相幾對辦😋，話時話，我都好耐無食過班戟啦！
回覆刪除我都估唔到Cafe會有咁好食既班戟
刪除