食物：$$$$
環境：$$$$
服務：$$$$
南海一號吃過好幾遍，份屬同一集團、位於對面岸的南海二號，開業數個月，我仍未有機會到訪。
幸慶在忙到九彩既日子，也可跟久未露面的朋友夾到時間，來到這店子一聚。
這裡與對岸的南海一號同樣有著豐富的粵菜選擇，不過是夜更加特別，因為我們遇上了期間限定，只做到本月尾的斯里蘭卡特色菜，包括我超級喜歡的斯里蘭卡蟹。
難得碰面，加上食啖啖肉既巨蟹，定必要開枝酒盡興一番。高檔次的中餐館自會有待酒師推介恰當既美酒，佢今次介紹左枝澳洲嘢，粗略既個性與巨蟹真的匹配。
先來幾款富當地風情的前菜，分別有斯里蘭卡香葉沙律、椰子沙律、秋葵咖喱，與及黃扁豆咖喱。
我個人吃法，是將四款的東西撈埋香蒜飯，又香又惹味，分不清你我的美味，很是吸引。有時不用分得那麼細的。
接下來是兩款小菜，乾咖喱羊肉，感覺與印尼的巴東羊，頗為相近。
還有醒胃的甜酸蝦，除了平日嚐到的酸甜味外，再多一份像錫蘭茶的香氣，當然蝦肉本身亦是夠大隻，又爽彈。
蟹有份大和珍寶Size，完全不用猶疑，肯定係珍寶蟹吧！糾結左好耐，最終都係要左兩隻，分別係咖喱，與及香蒜辣椒的做法。
蟹鉗一人一隻唔好爭，朋友的是香蒜辣椒，而我分到的蟹鉗，係咖喱。咖喱惹味之餘，亦唔會過份地辣，沒有搶去蟹肉本身的鮮味。啖啖肉又鮮甜，真心讚！
至於香蒜辣椒，我就食左佢個蟹蓋。這款肉騰騰的蟹，蟹羔是不會超爆的了，不過佢都仍是甘香。再來一件蟹身，蒜香加上辣椒之惹味，令人欲罷不能。
甜品也是滿有風味的水牛乳酪配棕櫚紅糖醬，酸香之乳酪結合甜美之紅糖，原來是如斯吸引，頂頭的松子也是豐富口感的好配搭。
單是兩隻巨型的斯里蘭卡蟹，已教我萬分滿足~
沒有留言:
張貼留言