2023年4月21日 星期五

Bacchus Wine & Restaurant - 分甘同味



食物:$$$$
環境:$$$$
服務:$$$$ 

近年吃西餐,不論是中檔次抑或係Fine Dining,多半是按位上,已很少遇上一大碟/盤大家 Sharing的餐廳了。

是晚到訪的Bacchus Wine & Restaurant,總廚是法國人,卻喜歡將食物大大份的上桌,讓食客們齊齊分甘同味,這是他想做到的那種像家的感覺。

大伙兒坐在長餐桌,將食物你遞俾我,我傳俾你,於我而言,是久違了的開心美食體驗。

正值白蘆筍豐收的季節,總廚先來兩碟給我們打開胃口。清甜、無渣的白蘆筍,配以輕身帶微酸的汁醬,加上三文魚籽作點綴,大家都好喜歡。

接著嚟,係家陣星級餐廳好流行的,魚子醬配海鮮奶凍。今次墊底既奶凍,係以帶子為主角,自然清甜,與頂頭咸香的魚子醬,十分合拍。當然吃時是要一匙到底,才能吃到其層次。

再來的包包,也很特別。估唔到法籍既大廚會弄來一個富中式風味的腩肉包出來,包身軟熟而餡料夠腍身,頂頭再配以瀨尿蝦,好一個中西合壁的特色菜。

海鮮扁意粉好誇張,是超級豐富的海鮮陣容,各式食材極之新鮮,蝦肉甜美,Scampi 亦然,龍蝦沒烹調過火,帶子大大粒煎至外層微焦,還有蜆肉等等,造樣子足料的意粉,大家有可能會不滿足嗎?

Age牛肉大家吃得多,但雞也真是比較罕見。味道確實來得濃郁,連埋香口既雞皮吃才是皇道。

只要師傅技術到家,火侯拿捏得宜,不管是Dry Age過的澳洲和牛,抑或是巨型既斧頭扒,都會是食肉獸的囊中物。

個人而言,比較欣賞巨無霸級的斧頭扒。邊邊位的微脆,連骨位置既脂香,各有風味,真的要多嚐幾片,試勻各個位置才肯收手。

甜品有即席表演的橙酒班戟,係視覺與甜胃都得以滿足的一道甜點。

Fine Dining嚐得來,偶爾重溫下呢種像家庭式分享的用餐體驗,都好唔錯。


餐廳資料:
Bacchus Wine  & Restaurant
上環荷李活道233號荷李活商業中心3樓
37505200

2 則留言: